咁距離京都唔遠既名古屋你又有無去過？想體驗未知既日本，唔想每次都係東京同大阪兩邊走？粹日本為你介紹名古屋三大當地名料理，mark低有咩食就可以plan行程！
鰻魚飯三吃（ひつまぶし / Hitsumabushi）
名古屋「鰻魚飯三吃」顧名思義，一份鰻魚飯可以有三種不同食法，是為特點一；而呢道料理既第二個特點則係鰻魚並唔係燒好後原整地鋪上飯面，而係經過細切方便與飯拌勻。
三種食法任你選擇
要品嘗鰻魚燒三吃既三種滋味，只得一碗鰻魚飯係唔夠既；每一份鰻魚飯三吃上桌時都係好似下圖一般既「套餐」
STEP1: 將飯分成4等分 已經切細既鰻魚可以輕易地用飯勺分開，至於點解係劃十字分成四份而唔係三份？睇埋落去你就明！
STEP2: 原味第一份
STEP3: 藥味第二份
STEP4: 湯飯第三份
STEP5: 自選第四份 既然叫做「鰻魚飯三吃」，點解要將一大碗鰻魚飯分成4份？原因係俾你有一個自選最佳口味既機會！如果你喜歡之前3種食法的話可以照版煮碗，亦可以用剩下既藥味同上湯自行配搭出新既「第四味」！ 睇完名古屋既鰻魚飯三吃，已經急不及待想試？呢度有一D提供呢一款名古屋料理既鰻魚飯店：
熱田蓬萊軒： https://ikidane-nippon.com/hk/interest/atsuta-horaiken-jingu-ten 丸屋本店：https://ikidane-nippon.com/hk/interest/maruya 炭燒 Una富士：https://ikidane-nippon.com/hk/interest/sumiyaki-unafuji
唔單止鰻魚飯三吃，仲想了解多D日本既鰻魚料理歷史同料理款式？睇我地既文章：https://press.ikidane-nippon.com/hk/a00146/
味噌炸豬扒
香港人提到味噌通常會諗到淡啡色略為混zok既味噌湯，其實味噌並唔止有一種，味噌既用法亦唔止整湯咁簡單。（さしすせその記事）
要數名古屋中最出名而又易搵到既味噌炸豬扒專門店，就一定係「矢場とん」啦！響名古屋站、商業區「榮」等遊客會到既地方都有分店，想試名古屋名物完全無難度！ （小編提提你：去食的話記得點「鉄板とんかつ」（鐵板炸豬扒），煎得焦香既高麗菜絲沾八丁味噌，好味過塊豬扒！）
炸雞翼
美式（洋風）炸雞日語叫法為「フライドチキン」，即英文「Fried Chicken」直譯成日文。至於本本土既炸雞則稱為唐揚げ（からあげ / Karaage），如果只叫唐揚げ的話一般係原塊雞肉油炸，至於特別部位或製法既唐揚げ就會另外指稱。
至於名古屋既炸雞翼從處理、調味到油炸都非常特別。稍為調味後不沾麵衣直接油炸，油溫先低後高將雞翼炸成外脆外軟，然後沾上鹹甜醬汁後撒上芝麻就大功告成。 推薦俾入門新手既有最出名既2間，分別係香港都有分店既「世界的山醬」（世界の山ちゃん），以及「風來坊」。小編2間都食過，山ちゃん既香辛料味道比較重，送酒一流！而且係雞中翼連雞翼尖，鍾意食雞翼尖的話就岩曬！ 至於風來坊的調味就稍甜，雞翼只使用雞中翼，食用較方便，一啖一隻無難度！另一個特點就係擺盤比較講究，同山ちゃん（上上圖）既豪放非常唔同。 除左2大之外名古屋市內仲有其他炸雞翼店，就算係名古屋當地人都係人人有自己既心頭好。想知道邊間最岩你口味就要試過先知！
下載粹日本App，網羅更多日本資訊 iOS Android
發現文章有任何問題請話俾小編知☞ 回報表格
