【含優惠券】吃喝玩樂樣樣齊，「東京巨蛋城」俾你最方便全面玩樂體驗

香港人鍾意去日本，唔少人即使只得星期六日休息，都會安排黎一個快閃日本遊。時間唔多就唯有更有效運用時間，唔駛四圍去花少D時間響交通，自然可以玩到盡！假如你下一次黎日本係去東京的話，就記得留一日去「東京巨蛋城」，唔駛等車唔駛長途跋涉，一個地方集合娛樂、購物、美食，黎日本玩從未試過咁簡單！

去東京巨蛋城玩，使用優惠券更抵更盡興！東京巨蛋城一日遊點玩最enjoy？睇下小編親身體驗啦！

「東京巨蛋城樂園」25款機動遊戲任你揀

東京巨蛋城內集合25種不同機動遊戲既「東京巨蛋城樂園」，既有專門設計俾小朋友既遊樂設施，亦有尖叫無極限既過山車！最好既係無須入場費，亦可以隨意進出園區，想玩邊個機動遊戲買飛就得！

朝早去到當然係先玩最刺激既提下神先（無理由食飽飽先黎坐過山車架嘛），樂園既過山車「Thunder Dolphin」（雷霆海豚）最高時速達130公里，巧妙利用巨蛋城既不同建築物，路軌從LaQua的牆壁及Big-O的正中央穿出，見住身邊既高樓大廈飛越而過點充滿迫力！

與超動感既Thunder Dolphin相比有著不一樣既刺激，「Sky Flower」有如站立版既跳樓機，而且吊籃係鏤空設計，緩緩上升時感覺自己慢慢浮起，360度無障礙景色之中突然落下，刺激程度絕不遜色！每次遊戲會升降兩次，睇景、體感無難度！

覺得過山車之類既機動遊戲太過驚險的話，亦可以選擇「Pixie Cup」，比較輕鬆又可以一路玩一路影相，同行友人接受唔到太刺激機動遊戲都無問題，同小朋友一齊玩亦非常合適！

了解宇宙奧秘滿足好奇心「TeNQ 太空館」

機動遊戲俾你平常體驗唔到既刺激，而巨蛋城內既「TeNQ太空館」就係俾你增進知識以及對宇宙理解既好地方。從「Theatre宙」可以用宇宙視角睇到地球既景象。

而TeNQ內既各體驗設施讓你有如親歷其景，無需穿上太空衣就可以走入宇宙！

館內既「TeNQ宇宙商店」除左有售賣獨特精品外，另一觸目商品係各種不同既太空人餐，小編就忍唔止入手左章魚燒同御好燒，作為記念TeNQ之旅既手信最好不過！

購物美食消閒一條龍「LaQua」

可以俾你玩足一日既「東京巨蛋城」，又點會只得機動遊戲同太空館咁簡單？係時候進入下半場，美食、購物、休閒！東京巨蛋城內有約70家不同類型既食肆，選擇最多既就係LaQua，26間餐廳各國料理任你揀！由和食、定食到燒肉、壽司，就連拉麵都有兩間；如果前一日已經食左唔少日本野，想轉轉口味的話亦有中菜、薄餅、漢堡包，各國美食等緊你！

填飽肚之後自然要滿足埋購物慾，LaQua既商鋪以服裝、雜貨、日用品為主，只要於ShopIn出示優惠券，就可以免費得到紀念品一份！另外仲有各式購物優惠券，去下面網頁確認！ https://coupon.tokyo-dome.co.jp/?utm_source=tdc19/

瘋狂shopping之後覺得攰，仲有漫漫長夜等緊你點可以俾佢停，一於浸下溫泉回氣！唔駛山長水遠去深山溫泉旅館，LaQua 5-9樓就有「Spa LaQua」等緊你！使用既係東京巨蛋地底1700米既天然溫泉，設施內除左有露天溫泉外仲有低溫桑拿，按當日心情選擇啦！ 【Spa LaQua注意事項】 ※身上有紋身者不得入內。 ※5歲或以下不可入內 ※6～11歲使用者需要同性別監護人在場 ※6～17歲使用者在監護人在場，可使用設施至18時（最後入館時間為15時）請按此查看其他注意事項

響LaQua買完野浸完溫泉，係時候趁著夜色再去坐一下機動遊戲，體驗與日間不一樣既景色。記得唔好錯過位於巨蛋城樂園區域內既「東京寶島」紀念品店，匯集人氣動畫、特攝戰隊等大作既精品，係每一個細路同大細路既天堂！

K歌之王摩天輪「Big-O」

由朝早開始玩機動遊戲，又睇館又行街，晚上改玩靜態而浪慢既摩天輪「Big-O」。設有卡啦OK既Big-O唔係度度有，係時候歌神上身！

國語歌有光良既《童話》，J-POP的話可以唱《前前前世》，亦可以揀《打上花火》，想懷舊的話有SMAP《世上唯一的花》，仲有大家都識既星野源《恋》（記得唔好邊唱邊跳！）邊唱K邊坐摩天輪，還能比這更浪漫嗎？

「東京巨蛋酒店」東京觀光、巨蛋城內遊樂一樣便捷

東京巨蛋酒店高43層有超過1000間客房，更吸引既當然係極度方便既交通配套。有往來羽田、成田機場既直達巴士，而東京巨蛋城周邊有齊JR、都營地下鐵以及東京METRO車站，往來機場、都內交通一樣便捷！兼顧娛樂、購物、美食，大人細路都滿載而歸既東京巨蛋城，下次去東京旅行時千祈唔好錯過！下面連結既優惠券俾你更超值地體驗巨蛋城！ https://coupon.tokyo-dome.co.jp/?utm_source=tdc19/ 東京巨蛋城樂園 地址：東京都文京区後楽1-3-61 電話號碼：+81-3-5800-9999 營業時間：視設施而異休息日：無休官方網頁：https://www.tokyo-dome.co.jp/zh-CHT/tourists/

【Spa LaQua注意事項】 ※身上有紋身者不得入內。 ※5歲或以下不可入內 ※6～11歲使用者需要同性別監護人在場 ※6～17歲使用者在監護人在場，可使用設施至18時（最後入館時間為15時） ※岩盤浴僅限18歲或以上人士使用 ※請事先前往Spa LaQua官方網頁確認休館日、特定日及其他入館注事項 ※在設施內請保持安靜 ※不可穿著泳衣、內衣等入浴 ※浴室内不得攝影。設施內部份區域不得攝影及/或使用電話