民宿價錢日式旅館體驗！「IKIDANE HOUSE 浅草旅籠」全新開幕！

去得日本旅行，食壽司拉麵日本菜、大買特買藥妝零食、睇風景遊名勝呢D當然全部做足！如果你係窮遊一族，或者諗緊點樣可以一路去日本一路儲錢上車既話，住宅就可能係你首先諗縮數的一環；之但係坊間既膠囊酒店，空間細床窄呢D都叫預左，最大問題係玩得咁開心咁融入和風世界，突然要我行番入商業大廈，走番入個膠味十足既膠囊度訓教，好殺風景姐 ……. 所以，我地咪特登開左一間純和風民宿「旅籠」俾大家~ 總之預約左先：Booking.com 有咩好？睇埋落去↓

淺草觀光圈內！「IKIDANE HOUSE 浅草旅籠」和風滿載

無論係新開無耐既晴空塔，定係東京必遊既淺草寺，去得東京都好難唔去淺草。「旅籠」就響淺草寺約10分鐘路程外，亦可以經淺草站（各線）、三輪站以及入谷站步行10分鐘左右就到達；岩岩遊完淺草寺，仲沉醉響當中既和風中？由旅籠為你延續日本風情遊！單幢建築由外部裝潢至最細緻地方都係由設計師擔綱，俾你同旅館無異既體驗！

（認住「粹」字同埋燈籠！）

一人獨遊、二人甜蜜蜜，定三人行？全部fit你需要！

上面提過唔想住太plain無格調既膠囊酒店，「旅籠」就為你提供配備日式布團既單間Dormitory，一般既衣架、細台、鏡同叉電座呢D當然齊備，就如果有一定稍為貴重但又唔想帶出民宿既野，可以放入每格dormitory既私人locker，有鎖幫你保管好！

另外一般低價膠囊酒店唔會有既係溫泉風風呂！！響香港shower之外想浸浴實在唔易，響「旅籠」可以俾你用更抵玩既價錢體驗溫泉式風呂！如果你咁幸福有另一半同你一齊去旅行既話，二人房就岩曬你！日式設計地板鋪既係tatami、訓既係布團，收起布團仲可以變身成和式客廳一樣！

當然亦有三人房提供，至於點解係三個人咁寧丁去旅行我就唔知啦XD

客房以外：一樓同頂樓既和風秘密

無論你係住dormitory定獨立房間，呢兩個地方響你入住期間點都要試用一次！ Check-in時候你會發現身後有個lobby，坐響tatami同朋友吹水又得，識下新朋友又得，夜晚掃完便利店之後食個宵一樣得！ （想扮下野影張日式靚相，呢度一樣幫到你！）

講起夜晚，你有無睇過夜晚既晴空塔？入住「旅籠」既你記得上天台望望，可以響民宿直接望到晴空塔，夜晚景色一D都唔輸蝕！

另外，如果你有打算睇一年一度既隅田川花火大会，小編順便話埋你知，響天台係可以睇到煙花架！！響條街度、河邊同人迫住睇，定留響民宿坐低慢慢睇，你自己揀啦~~

夜晚肚餓突然發現買漏野？出門口就有！

平時睇開粹日本FB嘅各位都知道小編最鍾意介紹便利店甜品，無論你幾時覺肚餓、幾時發現自己食漏左一款新出品，出門口行幾步有齊三大便利店（7-11、LAWSON、Family Mart），想食咩自己買啦。

想吃拉麵？一蘭幫到你！

未買夠？「驚安殿堂」就響左近

講左咁多 …… 小編都係想宣傳下自家新民宿，好野當真唔怕大聲講： IKIDANE HOUSE 浅草旅籠開張啦！ IKIDANE HOUSE 浅草旅籠開張啦！！ IKIDANE HOUSE 浅草旅籠開張啦！！！【淺草旅籠詳情】地址：東京都台東区千束4-27-6 房間數：獨立客房（30間）、膠囊房間（16間）房間類型：2人和室、3人和室、單人間、普通雙人間、膠囊間預約傳送門：Booking.com