澀谷區最新落成既商業設施「SHIBUYA SCRAMBLE SQUARE」將於2019年11月1日開業！地點就在澀谷站旁邊，而且同車站以及周邊的新設施「SHIBUYA STREAM」、「Hikarie」都有通道直連，可以輕鬆方便地前往METRO以及JR車站。
設施內有超過200家商鋪，呢一幢高達230米既新摩天大廈將成為澀谷的最新地標！今次粹日本就帶你提前入內觀摩一番！
吃貨必須前往既當然係地庫（B1/F、B2/F）以及1樓，呢三層裡面進駐大量美食，從知名傳統和菓子到焙烘糕點、麵包一應俱存。
其中當然唔少得日本初上陸新品牌！例如MORI YOSHIDA PARIS就係由法國殺番日本，由日本人主理既糕點品牌。另外各店都有推出澀谷‧八公為主題既限定商品，必試！
從2樓至9樓則係各種國際名牌以及日本本土品牌進駐。應有盡有買到無停手！
每層都有數家CAFE以及飲食店，上圖攝於丸山咖啡，包裝精美送禮一流！
6樓內既均為化妝美容品牌，一層樓內就可以搵到全部你需要既化妝品！設施內亦有提供免稅服務，想買就買！
10樓及11樓係生活用品樓層。土屋鞄製作所、東急手創、中川政七商店等日本國內知名既品牌都可以響SHIBUYA SCRAMBLE SQUARE搵到。
10樓仲有日本茶CAFE「ocha room ashita ITOEN」，理念係要改革客人對傳統日本茶道既睇法，將日本茶變得年輕、時尚！
11樓係蔦屋書店，除左書店之外亦有rental space，每小時1500円起就可以享用小食飲品，邊睇澀谷靚景邊休息一下。
再行上去係12樓及13樓既食肆，日本料理之外仲有西班牙菜、中菜甚至中東料理，唔怕無野岩食！
14樓除左係前往天台「SHIBUYA SKY」觀景台既入口外，仲有幾間唔同既生活雜貨店，其中就有我地之前介紹過既GOOD DESIGN STORE TOKYO by NOHARA、以紙品聞名既鳩居堂、筷子專門店兵左衛門等。
甚至仲設有一個名為「NHK PLUS-CROSS SHIBUYA」既展覽空間。
Photo Credit: 渋谷スクランブルスクエア
一直以黎澀谷內都無一個專屬既觀景台，當SHIBUYA SCRAMBLE SQUARE以及開業後就可以響230米高既SHIBUYA SKY欣賞360度既澀谷天際線！天氣好時向西望可以見到富士山，向東望可以同時見到東京鐵塔及晴空塔！另一個必睇既係前往未有咁高～地觀察澀谷十字路口。
SHIBUYA SCRAMBLE SQUARE既內裝設計亦同樣精緻，即使唔買唔食淨window shopping都一樣值得一遊！
下載粹日本App，網羅更多日本資訊 iOS Android
發現文章有任何問題請話俾小編知☞ 回報表格
