「整理券」係咩？

去日本旅行遇著要排隊既餐廳、娛樂設施，或者係部份線路既巴士都會有一種名為「整理券」既野，所謂既整理券究竟係咩？

整理券 = 確認次序

整理券其實券如其名，睇漢字其實大家都多少會明白係咩意思。整理券最大既用途係用黎確認先後順序，將所有人「整理」成指定次序。

而同樣既整理響日本又主要分為2種用途。

整理券用於餐廳、娛樂設施排隊，或者辦理公務等情況時就同一般我地所講既取籌一樣。先來後到一目了解。有部份超人氣餐廳唔一定會叫你排幾個鐘隊，而係每一日朝早預先派發一整日既整理券，持券者於指定時間返去餐廳處用餐。

即使你係唔識日文既外國遊客，整理券通常都唔會太難明，比較麻煩既係嗌籌時多數只會用日語而不設顯示屏，如果你驚miss左的話一係就留意對上一個取籌既人既動向，或者麻煩D搵人幫忙。

相比香港巴士多數為均一收費或整段車程只分2、3段，日本巴士/鐵路既分段收費係按「站」計算，呢一類交通工具有三個特徵：

1) 上車時需要取整理券（或上車時須先拍一次卡，不收費） 2) 顯眼處會有一塊顯示「下站下車的話不同編號整理券須付費用」 3) 下車付費（實體整理券的話一般將整理券及車資一同投入錢箱即可）

好似上圖般的費用顯示板可以去到50號整理券，而且每個編號既費用都唔同，可想而知過去每個站上落客點解要花咁多時間，一旦上車時忘記取整理券更是大鑊中既大鑊。

可以使用IC卡（如Suica, Pasmo）既交通工具就比較方便，只需要上車下車各拍一次卡，亦有部份交通工具同時採用「上車收費」及「分段收費」，上車時要講清楚落車車站，由司機設定好費用後付費。簡直就是麻煩中既麻煩。

下載粹日本App，網羅更多日本資訊 iOS Android

發現文章有任何問題請話俾小編知☞ 回報表格