響日本食好野其中一樣唔可以睇少既係座位設計，唔同精型既料理配合適當既座位係相得益彰，整個用餐體驗都可以得到提升！
今次粹日本就為大家整理左各種常見既座席種類，以及不同座位既優缺點、常見配搭料理類型。下次搵食你知點做！
見識廚師功架既「吧台」座位
當然吧台位並不一定等於視野好，有D吧台位可能係對牆（單純為單丁客人而設），或者面對廚房既吧台都有視野好同無咁好（例如對住灶頭、廚具），所以選擇吧台時都要留意實際店內環境！
優點：可以近距離見識料理功夫 / 適合單人前往 缺點：部份料理會較大油煙 / 下半身空間較窄 常見料理類型：壽司、天婦羅、懷石、拉麵、鐵板燒
數人共聚最方便「餐桌」座位
比較特別要留意既係日本人唔興搭枱，2人坐4人枱的話就等於多D空間坐得舒服D。
優點：用途百搭 缺點：缺少特色 常見料理類型：所有類型
私穩與舒適兼備「個室」座位
想要慶祝特別日子，或者想稍為放鬆D無咁拘緊的話個室（こしつ）座位係一個好選擇。個室類似於我地所講既包廂，而日本定義個室又會分別「半個室」以及「完全個室」。
優點：私穩度高、隔音較高、較少接觸到其他客人 缺點：或須支付個室使用費（或指定套餐）、缺少體驗用餐氣氛的機會、點餐較麻煩 常見料理類型：所有類型（視料理種類不同，既有將成品料理送入個室，亦有廚師於個室內製作）
輕鬆快速無得坐「立食」
立食有好有壞，如果你身體狀況適合企1、2個鐘的話，小編其實幾建議大家黎日本時體驗一下立食！
優點：一般而言立食餐廳既料理會較便宜、有利健康 缺點：攰、餐桌面積通常較細、缺乏放置行裝既空間 常見料理類型：蕎麥麵、居酒屋，以及平民價錢的壽司、燒肉、bistro等
室外好風光「陽台」雅座
優點：不用束縛在室內 缺點：受天氣影響、冬涼夏暖 常見料理類型：CAFE、西餐
讓座席產生變化的追加元素
上面提到既係一般餐廳常見既座位類型，以下為大家介紹既係一D附加元素，可以令到座位變的更有和風更特別！日本定番「榻榻米」
榻榻米座位的另一特點係除左席地而坐之外，間唔中亦會有響榻榻米上放置西式餐桌同座椅既混合模式。
坐入地底「堀炬燵」
1) 桌面下面（地面之下）有一個可以放腳既空間 2) 有保暖功能（類似被爐）
各種特別座席
接下來介紹既係一D唔常見於一般餐廳既特別座位，當中有季節限定，亦有因為「特別目的」而特設既座位！一蘭名物「味集中吧台」
同樣係吧台點解要特別拎出黎講？一蘭既「味集中吧台」（味集中カウンター）比一般吧台有2個不同之處：1) 每個座位之間有木板分隔 2) 吧台同職員通道之間有捲簾分隔
呢種被一蘭註冊左專利既「味集中吧台」起源自一蘭創始人吉富「希望客人可以不受其他客人，以至員工既形象影響，專心於拉麵真正味道」的想法。
優點：專心食麵，無須在意他人 缺點：一蘭限定 常見料理類型：一蘭
夏天限定京都「川床」
現時川床唔單止鴨川，響貴船、高雄地區都有，要留意川床只於5~9月營業，想要體驗的話記得預約！
優點：夏日風物詩體驗 缺點：易受天氣影響、夏天其實出面熱過入面 常見料理類型：京料理
識人>食野「搭枱」餐廳
上文有提過日本人唔興搭枱，所指既係一般既餐廳相比盡用每一個座位，傾向於「一張枱」for「一組客人」。之但係日本同樣有搭枱（相席）呢個概念，只不過搭枱既目的就 ……
日本街頭時常見到有「相席屋」，意思就係專門俾你搭枱既餐廳，而且多數係女性有優惠/免費，男性就要付正價/溢價，講到呢度相信大家都明白相席屋既存在意義。
優點：識人 缺點：為左識人所付出既代價 常見料理類型：蕎麥麵、居酒屋，以及平民價錢的壽司、燒肉、bistro等
下載粹日本App，網羅更多日本資訊 iOS Android
發現文章有任何問題請話俾小編知☞ 回報表格
