雖然2012年建成既晴空塔係觀光新貴，但代表東京既始終係竣工於1957年10月14日（昭和33年），高333米既「東京鐵塔」，過去可是東京都內最高既建築。當然現時高樓大廈愈起愈多，亦有新既晴空塔趕超東京鐵塔。

 

鐵塔雖然失去「最高」既頭銜，但其名聲依然響亮。同時為左keep住人流同客量，東京鐵塔最近就翻新左主要既觀景台、入口區域，亦將升降機改成更現代化既設計。

 

 

買飛之後就可以搭升降機去觀景台。電梯大堂處會使用360度全景投影儀投射出東京風光，親身進入觀景台前先預先欣賞一下！

 

 

使用聲音導航設備就可以響走到指定地點時聽到導賞內容，

 

 

TOP DECK TOUR 首先會前往150米高既MAIN DECK，響MAIN DECK除左可以觀賞四周風景以及到訪TOWER GALLERY外，亦可以參觀內容保密既「秘密藏書館」～

 

 

前往TOP DECK之前會有一個照相區，以及免費既飲品。下圖咁精美既飲品杯仲可以帶走做手信添！ 影完相飲完迎賓飲料就可以前往重頭戲TOP DECK！

 

 

經過翻新既TOP DECK採用全新設計，透過光線反射創造出新既觀景台體驗。要留意TOP DECK只有參加「TOP DECK TOUR」既遊客可以進入，並不對外開放！

 

 

牆身、天花都閃閃發光！

 

 

可以取用望遠鏡360度觀察東京；

 

 

天氣好時仲可以望到遠處既晴空塔！

 

 

新式聲音導賞設備亦有提供景點標記功能（僅限日語），從東京鐵塔就可以了解到東京各個地區既著名景點！

 

 

TOP DECK TOUR為預約及指定時間制，進入TOP DECK時會獲發一個提示器，震動時就代表係時候離開。

 

 

想知道TOP DECK TOUR既詳情以及預約的話可以參考官方網頁。

---

下載粹日本App，網羅更多日本資訊 iOS Android

 

發現文章有任何問題請話俾小編知☞ 回報表格