日本旅行想要方便的話，一定一定一定要買番張Suica（西瓜卡，即日本的八達通）。同八達通一樣一般既Suica需要按金（500円）而且係預付形式，先儲值後使用。

 

香港既八達通按金為50蚊，交易時如果餘額不足但依然為正數就會使用備用限額（舊版35蚊新版50蚊），退卡時可以退回餘額（如有）、扣除已使用備用餘額的按金。如果發卡日起計90日內退卡的話會被收取11蚊手續費。

 

日本既Suica情況就有不同。按金雖為500円但無得透支（備用限額），而退卡時會退回按金，如果有餘額的話會被收取最多220円手續費（不足220円時手續費=餘額全款，多餘220円時手續費=220円，餘數退回）

 

聰明既你一定發現，如果唔想俾手續費的話一係就keep卡下次用（Suica　連續10年不使用會失效），或者將餘額全部用盡後退卡。未睇呢篇文章既你可能以為需要左砌右砌將金額計得岩岩好 ...其實有一個更簡單方法！

 

 

今次小編demo時使用既係面向旅客既特別版Welcome Suica，想知有咩唔同要睇呢度！

 

檢查餘額可以透過各鐵路公司既售票機；

 

 

今次小編既Suica一開始有655円。

 

 

於支持Suica既店鋪消費時只要講「Suica de haraimasu」（Suicaで払います），就可以用Suica俾錢。正常情況餘額高於應付金額時交易完成唔會有Error message。

 

 

好似小編買左465円野餘額就係190円。

 

跟住落黎我地去7-11試下買339円既商品，呢個時候餘款不足，機器就會發出警告音以及亮紅燈（不同機器顯示方法各異。）

 

 

餘額不足時除左可以改為其他支付方法、先儲值後俾錢外，其實仲有第三個方法！

 

可以同店員講「Mazu Suica de haraimasu」（まずSuicaで払います），即先用盡Suica餘額支付部份貨款；

 

 

Suica既餘款就會扣到0円，然後餘數就使用現金付清。

 

 

好似呢一張收據顯示，190円使用Suica，餘數149円就用現金。之後只要將Suica拎去JR東日本各站既「綠色窗口」（みどりの窓口）就可以申請退卡。

 

---

下載粹日本App，網羅更多日本資訊 iOS Android

 

發現文章有任何問題請話俾小編知☞ 回報表格