除非信仰唔許可，去日本旅行時入神社參觀，嘗試跟住日本人一樣去參拜亦係一個獨特體驗。

 

從進入神社範圍內就已經開始參拜既過程，想要做得認真做得好的話每個步驟都有特別既做法，就連參拜重頭戲既奉納賽錢其實都大有學問！

賽錢俾得愈多愈好？

常言道供奉錢財係睇心意，多多益善小小無拘，但錢就係錢有其價值，好難唔去想像賽錢既金額同參拜時既誠意、效果會有影響。

 

到底俾幾多為之理想？

 

1) 為求「願望通達」，奉納有空洞既硬幣（即5円或50円） 2) 奉納諧音「意頭好」既金額（避免意頭唔好既金額） 3) 祈求重大願望時奉納比平常多既錢財

 

據說有著以上三個準則。

何為諧音意頭好

每種語言都有諧音引伸出黎既玩笑以及習俗，「發財好市」、「蓮生貴子」呢種諧音日語中稱為「語呂合わせ」（ごろあわせ/Goro-Awase）。

最常聽到既係5円，日文讀音為「ごえん/Go-en」，只要改變重音就會變成「ご縁」（緣份），呢個金額係流傳最廣，相信亦係最多人奉納既金額。

 

是咪無諗過咁平呢？畢竟日元中幣低最低為1円，次低已經係5円。而5円之外仲有以下幾種意頭好既金額：

 

金額	意思（諧音）
11円	いい縁（好緣份）
20円	二重に縁（雙重好緣份）
25円	二重にご縁（帶敬語的雙重好緣份）
115円	いいご縁（帶敬語的好緣份）
415円	よいご縁（寫法不同的帶敬語的好緣份）
485円	四方八方ご縁（從四面八方而來的好緣份）

 

另一方面，意頭唔好金額之一係「10円」。因為10響日語除左可以讀成「じゅう/Jyuu」，亦可以讀成「とお/Tou」，而後者跟「遠」同音。10円->「遠緣」當然不被推薦啦~

 

此外65円、75円、85円分別有唔太好既諧音，可以考慮 ……都係5円少少地咪幾好。

賽錢都有Combo?

有一種講法係大多數神社賽錢箱之上都掛有鈴鐺，而佛寺掛既則係鰐口，呢二者分別象徵男性及女性。

 

神社：男性->白色->白色硬幣（1円、100円、500円） 佛寺：女性->紅色->紅色硬幣（10円）

而5円及500円則屬於「帶空洞既硬幣」。有說一次奉納中同時使用紅、白以及帶空洞既硬幣的話效果更佳。

 

上面有提到115円既諧音為いいご縁（好的緣份），用100円（白）、10円（紅）以及5円（帶洞）三個硬幣細合的話就可以做到賽錢COMBO！

說到底心誠則靈？

奉納通貨既傳統從日本室町時代開始，而円・銭・厘（類似圓、毫、分）既單位系統自明治時代開始。所謂既意頭好既金額說到底係善信所相信既金額。

 

過去未有「金錢」概念時人們會直接納上物品，例加白米、酒、海珍海錯等作為供品。當時既人係將「美好既物事」作為奉納，卻不是以發音黎判斷。

 

此外所謂既賽錢並不是希望本次參拜時許下願望能成真既「買路錢」，而係「上一次既願望成真後既謝禮」，即係話日本既參拜文化其實係鼓勵走數相信信眾既良心。既然係事後付款就不存在「俾多D成真機會大D」，而係對你黎講：

 

已經成真既願望值得用多少錢財答謝？

---

下載粹日本App，網羅更多日本資訊 iOS Android

 

發現文章有任何問題請話俾小編知☞ 回報表格