日本傳統上有所謂既成人式以及配套既「成人之日」公眾假期，當日各地方政府、自治體都會為「新成人」舉辦盛大既成人禮。如果你一月中旬黎過日本既話，可能就遇見過一街都係著住西裝、和服（振袖）既年輕男生、女性，當日就係成人之日。
今次粹日本就帶大家了解一下日本人一定會經歷過既成人禮！
成人之禮古已有之
男性既儀式稱為「元服」，從奈良時代起12~16歲既男性會於元服式中轉梳成人既髮型、換上成人先可以著既服裝，名字亦會從幼名改為新既名字。
女性既儀式同樣會更換髮型，另外會穿上名為「裳著」既下身服，儀式名為「裳」時機則同樣為12~16歲。
此外日本國內唔好地方亦會有當地特色既成人式，例如「一個人去獵鹿」、「一個人搬運米俵」等等。
現代日本「成人式」起源
最初係1946年時埼玉縣內舉行左名為「青年祭」既儀式，當時目的係希望讓戰敗後長大成人既未來一代可以對之後既生活抱持希望而舉辦既活動。後來日本政府將呢個概念擴展成公眾假期「成人之日」並於全國推行，漸漸成為「日本的傳統」。
成人式著咩衫？
成人式既服務雖然無規定，但習慣上男性多數穿著黑色或海軍藍西裝，小部份會穿著日本既「袴」服；女性則幾乎所有人都會穿著正式和服「振袖」。振袖每套價錢不菲，有唔少家庭都會由母親傳俾女兒，而近年興起租用振袖，據說租借高峰期為成人式的「一年前」！不一樣既成人式
一般而言成人式會於成人之日假期（1月第2個星期一）舉行，然而部份都道府縣會因為特殊理由將成人式放響其他時期：・新潟縣新發田市2015年既成人式於3月15日舉行，據說係方便於他縣就學既大學生回鄉參加，季節上亦方便穿著和服。 ・秋田縣有超過8成地方政府將成人式放響8月舉行，據說理由係1月時仍是寒冬風雪交加不便舉行大型儀式之故。
此外會聘用高中畢業生而因為工作性質而需要返shift既企業大多會引入「社內成人式」。員工因為工作關係關係未必可以於成人之日當日放假回家、返鄉，因此代為替作由公司主辦成人式。
某D地區既成人式可以搞得非常特別，例如東京都練馬區成人式每年都定於區內既主題公園「豐島園」進行，而千葉縣浦安市則更誇張，成人式係響縣內既「東京迪士尼樂園」內舉行。
下載粹日本App，網羅更多日本資訊 iOS Android
發現文章有任何問題請話俾小編知☞ 回報表格
