九州大分縣別府以溫泉聞名，響當地有一個面向遊客既「別府地獄遊」（別府地獄めぐり）體驗，俾你一次過行勻別府「七大地獄」！

] 七大地獄分布於JR日豐本線「別府站」及「龜川站」之間地獄地帶（鐵輪～柴石一帶），除左可以搭電車後步行外，亦可以自駕、的士，或者使用當地既巴士通票。今次小編就入手「MyべっぷFreeミニフリー乗車券（2日）」，

2日券價錢為成人1,500円，可以連續2日於別府市內+內成棚田+城島高原地區內任搭巴士！另外有1日券以及範圍更廣既Wide Pass，想知道詳情的話可以去呢度。

先乘坐巴士到任一地獄（溫泉），然後首先要做既係 ...買飛！七個地獄均有發售「別府地獄遊」套票（成人2,000円）一票在手所有地獄任你遊！只要以手機出示呢張COUPON的話仲可以有10%折扣！

小編第一個前往既係海地獄。除左係七地獄中4個國家指定名勝之一，亦係其中最大既一個。泉水有著獨特既藍色，係硫酸鐵溶解後所出現既色彩。

該處既別府白龍稲荷神宮亦係當地著名景點之一，值得一遊。

有無發現溫泉範圍內有蓮花？呢D係亞馬遜原產既熱帶睡蓮，海地獄特意使用溫泉熱培植咁特別既地獄蓮花！

遊過海地獄之後下一站係鬼石坊主地獄。明治時代時作為坊主地獄係當時既觀光名所，後來翻新成「鬼石坊主地獄」，名稱來由係灰色熱泥沸騰時睇落就好似和尚頭一般。

地點就在海地獄旁邊，亦同樣設有足湯。

向下一個地獄「灶地獄」（かまど地獄）進發！呢個地獄既吉祥物係狸貓。

該地獄名物係溫泉皮蛋以及石垣饅頭。

灶地獄1～6丁目各有其特色。部份因為水份似為熱泥地獄，而3丁目泉水為乳白色，5丁目則會在綠色及藍色間變化。

據說灶溫泉既泉水對健康有益，要留意泉溫達80度，唔好即刻放入口！下面既係吸入用既溫泉蒸汽，一樣係高熱，一樣要小心！

以下佢灶溫泉中不同泉源既風景。

 

下一個係別名為「鱷魚溫泉」既鬼山溫泉，從大正12年起作為日本首例，使用溫泉熱飼養鱷魚。現時溫泉境內有數個品種合共約70頭鱷魚。

一入去參觀就見到大大個既綠色溫泉！源泉溫度達99.1度，見到個數字都知道熱！

溫泉範圍內仲有一個介紹爬蟲類既送你博物館。

館內可以睇到獨特既鱷魚文物以及標本！

記得睇還睇，唔好打擾鱷魚們！

下一個係以狀似牛奶既泉水聞名既白池地獄。白池地獄同樣列入日本國家指定名勝，設施境內亦有一個小型水族館，內有不少黎自亞馬遜河既熱帶魚，甚至仲有食人魚！

溫泉附近有一尊「一遍上人像」；

白池地獄既溫泉水白中帶藍，原因係本為透明既泉水從地下湧出時會因為溫度及壓力下降而變成藍色、白色。
上述5個溫泉地獄均位於鐵輪地區，要前往最後兩個地獄的話就要使用剛才購買既巴士通票。假如你想步行前往的話要留意單係從鐵輪地區行去餘下2個溫泉既「柴石地區」已經需要30~40分鐘。

小編買左巴士通票當然係搭巴士啦！「血之池地獄前」巴士站站如其名就位於血之池地獄前面，落車後即到。血池當然係一片紅色，不過特別在於紅池既正中間有一個藍色既圓圈。

血之池地獄有足湯，係時候放鬆下！

最後壓軸既係血之池地獄附近既「龍卷地獄」！

龍卷地獄係一個間歇泉，每隔30~40分鐘噴發6~10分鐘溫泉上面有一塊大石，如果不加限制既話據說可以噴上30米高空！

整個地獄巡禮花左小編約5個鐘，地獄遊套票有效期為發出日起2日，所以想快遊又得慢遊又得，遇到鍾意既地獄一遊再遊亦得！

---

下載粹日本App，網羅更多日本資訊 iOS Android

 

發現文章有任何問題請話俾小編知☞ 回報表格