日本既四季大自然變化係吸引無數外國遊客一訪再訪，而日本出產既手信同樣會跟從季節變化，春夏秋冬買到既野季季不同！春天當然係以櫻花為主題，秋天則換上紅、黃二色既秋葉，為你帶黎秋天的氣息！

 

粹日本之前為大家整理左2019年紅葉前線預測資訊，本篇文章則為大家送上唔同品牌既2019年秋季精品，要留意所有商品數量有限，賣完就無！

Starbucks "You Are Here"系列

日本星巴克向來夠貼地，今年既秋天精品一樣值得入手！隨行杯、馬克杯等等相當搶手，如果去完一間賣曬的話就要再接再力睇下其他分店啦~

文具

香港人讀書生涯裡面相信多數時間都係由日本文具作伴。從LOFT、Tokyu Hands到100円店，不論平貴秋天款式文具選擇多籮籮！

信紙套裝、慶賀卡片、貼紙、紙膠帶等等，每一件都唔貴用途亦多變，不過買得多都幾肉赤 ......

 

紅葉盆栽

平時旅行既時候唔多機會接觸到盆栽，但呢一種小而精緻既藝術響日本國內以歐美都有大堆捧場客！響日式旅館、庭院都可以見到既裝飾用盆栽，今次變成你買得到手既「紅葉盆栽」！

錢包及小手袋

菊花係日本文化中秋天以及日本既代表花。而菊紋亦係日本皇室既紋章。當然菊花紋既商品一般人都可以購買同擁有，見到有靚既鍾意既就記得入手！

廚房用品

秋天時開大食會的話，呢D紅葉竹籤就至為應景！

美食飲品

日本首選手信當然係野食！而每個不同季節都會有對應既季節性食品手信，好似上面既秋天仙貝以及各種秋季和菓子！

 

中秋特別版清酒！

手巾

日本人依然會隨身帶備手巾，而一條設計精美既手巾雖然用途上無分別，但總會令你更願意拎黎用~

 

以上商品多數於Tokyu Hands、LOFT及百貨店如伊勢丹、高島屋有售。另外100円如大創、Seria都會推出秋天限定商品！

---

下載粹日本App，網羅更多日本資訊 iOS Android

 

發現文章有任何問題請話俾小編知☞ 回報表格