秋天去日本旅行，一定唔可以既係艷紅一片既紅葉景色！東京都內有唔少景點，其實亦有如大田黑公園般較少外國遊客前往既紅葉名勝。

 

 

只要稍為走遠少少的話選擇更多選擇。今次小編為大家介紹既係位於東京都下面神奈川縣既「大山寺」。通往大山寺本堂既樓梯於秋天時會染上一層濃郁既紅色非常艷麗！（本文相片攝於2018年）

 

 

於新宿乘小田急線到伊勢原站後落車，之後乘搭當地巴士到大山寺所在既「大山」山腳；

 

 

響山腳可以選擇步行或者乘坐纜車登上山上既大山寺以及大山阿夫利神社。山腳纜車站一帶有大量餐廳同小食攤，影相前先去醫醫肚都唔錯！

 

 

大山寺建成於755年。樓梯兩邊各有一尊不動明王像，而中間則有一列連綿既石燈籠。

 

 

晚間點燈通常從11月中旬開始。

 

 

呢一段通往大山寺既樓梯有著動人既紅葉景色，但唔少旅客會直接搭纜車去到最高處既大山阿夫利神社。唔想錯過紅葉階梯的話除左由山腳開始行上山，亦可以只搭一個站既纜車，然後落車開始你既賞楓旅程。

 

 

另一個好方法係先搭纜車去到山頂，回程時行下山，咁就可以避開較辛苦既上山過程，又唔會錯失沿途風景。

 

 

前往大山阿夫利神社既梯級除左有楓葉外亦有其他會於秋天時轉換色彩，同一條登山階梯可以睇盡黃、橙、紅各種秋天既色彩！

 

 

大山阿夫利神社本來屬於大山寺既一部份，後來因為明治時期既「神佛分離」神社遷到依家既所在地。

 

 

晚間點燈下既大山寺尤其迷人，特別係日落之際既景色絕對係100分！於大山阿夫利神社附近亦有餐廳及CAFE可以俾行完山觀完光既你補充能量。

 

緊記秋天繁忙時期時纜車每程都可以要等上一小時甚至更耐。而假如你有著平均體能的話，行女坂（想較男坂較為輕鬆）從山腳到大山阿夫利神社的話約需要1.5小時。

大山纜車

大山纜車站至大山寺站 / 大山寺站至阿夫利神社站 單程：360円（成人）、180円（小童） 來回：【淡季】620円（成人）、310円（小童）；【旺季】700円（成人）、350円（小童）

 

大山纜車站直達阿夫利神社站 單程：640円（成人）、320円（小童） 來回：【淡季】1,120円（成人）、560円（小童）；【旺季】1,270円（成人）、640円（小童） ＊選乘直通車也可於大山寺站下車。

 

大山纜車班次：https://www.ooyama-cable.co.jp/timetable/ (只有日語)

 

Google Maps: 大山阿夫利神社：https://goo.gl/maps/gckabDbPStzyjZYr6 大山寺https://goo.gl/maps/ka9KjvZ5kzFexpSu9

---

下載粹日本App，網羅更多日本資訊 iOS Android

 

發現文章有任何問題請話俾小編知☞ 回報表格