每個國家都有必訪名勝，試想像難得去旅行又要飛機又要新幹線，去到景點門前先發現「是日休息」的話有幾咁失望。
唔想白行一趟既話最重要既做好資料搜集，事前查清楚至少唔會額外浪費時間。以下粹日本就整理左部份維修中景點既情報，下次返鄉下前先check一下啦！ （PS: 並非所有因維修而休業的景點都在本文中）
嚴島神社（廣島縣）
維修從2019年6月開始，相信至少會持續一年。而通往神社的通道則會於2020年1月開始維修。
清水寺（京都府）
如果你依家到清水寺去的話會見到主殿如同下圖一般被鷹架包圍。維修其實早於2017年1月開始，預計於2020年3月完工。想要影低完美的清水寺的話就要等多陣啦！（或者會有人想影低難得一見既維修中寺廟？）
熊本城（熊本縣）
道後温泉（愛媛縣）
道後溫泉係日本最古老溫泉之一，亦係《千與千尋》場景既靈感來源。溫泉本館從2019年1月開始進入維修期，部份溫泉屋會關閉長達7年。不幸中既大幸係另外2個溫泉照常營業，雖然景致有所缺少但依舊可以前往。
日光東照宮（栃木縣）
二荒山神社、日光山輪王寺、日光東照宮合稱「二社一寺」係日光著名既世界遺產。維修預計於2024年3月完成。如果你點都會去日光的話，至少都仲可以參觀於2017年3月完成維修既神社主門「陽明門」。除左參考本文外記得plan行程前要確認景點既官網同Google一下，話唔定會有更多景點進入維修期！
下載粹日本App，網羅更多日本資訊 iOS Android
發現文章有任何問題請話俾小編知☞ 回報表格
