Source：出典：キャッシュレス・消費者還元事業
今年10月1號起日本消費稅稅率從8%升到10%，想要遊日慳錢的話除左過去都有既免稅，以及IKIDANE APP專享免稅加折扣COUPON外，仲有一種名為「輕減稅率」既惠民措施。
之但係輕減稅率只有小部份商品、服務受惠，有咩好得過可以直接俾少D？之前粹日本就有介紹過日本三大便利店推出既「2%即時折扣」，之但係想要有折就要使用指定既支付方法。對外國旅客黎講最方便係邊一種？
外國信用卡NO WAY！
Source：出典：キャッシュレス・消費者還元事業
「2%即時折扣」係建基於日本政府既「キャッシュレス消費者還元事業」，原本係2019年10月2020年6月尾為止既9個月內，以積分形式為使用者提供2%或5%回贈，而三大便利店（7-11、LAWSON、Family Mart）就再進一步簡化積分還原步驟，直接響俾錢時提供2%折扣。
等能夠獲得折扣既只有已經登錄既指定企業使用指定服務結賬先得，而指定服務又分為2大類：「信用卡、借記卡」、「電子錢包、QR Code、其他」（下文統稱為「無現金支付」）。
大家可能都知道日本既便利店接受各大品牌信用卡，而且數額幾細都用得非常方便，相信有香港訪日旅客會為左儲里數而多用信用卡。
Source：出典：キャッシュレス・消費者還元事業
然而今次既回贈計劃登錄服務係以發卡銀行（企業）為單位，而唔係以信用卡品牌（Visa、MasterCard）分類，而且參加企業只有日本銀行 ……所以唔好意思，所有外國信用卡、借記卡通通不在回贈之列。
無現金支付首選 ……
現時日本國內既無現金支付方法，既有老牌既Suica、PASMO，以及主要日本人先識既iD、QUIC Pay，亦有如雨後春筍般出現既QR Code支付方案。
不過外國遊客可以用到既其實少之又少，QR 支付（例如PayPay）需要日本電話號碼，可以用黎充值既信用卡、銀行亦有限制，而iD、QUIC Pay等等類似Visa Wave既NFC支付服務同樣係同日本國內發行既信用卡綑綁。外國旅客能夠入手、充儲方便的當數各種交通系電子錢包（即日本版八達通）
Source：出典：キャッシュレス・消費者還元事業
除左大家最熟悉既Suica（西瓜卡）外，PASMO（東京私鐵系）、ICOCA（JR西日本）、SUGOCA（JR九州）等等都屬登錄指定服務。
只要使用Suica/PASMO響三大便利店消費就可以即時慳2%，雖然到頭黎等同消費稅依然要俾8%，但便利店本來就無得免稅，折扣又能夠抵銷增稅影響都算唔錯。
現階段未見有其他適用於回贈計劃既企業仿效三大便利店，所以使用Suica響其他登錄企業消費只能收到事後回贈既積分。
至於外國遊客點樣將呢D積分折現？小編現階段都唔係好清楚 ……
下載粹日本App，網羅更多日本資訊 iOS Android
發現文章有任何問題請話俾小編知☞ 回報表格
