2019年10月1日起日本既消費稅率從8%升到10%，而且計算方法相當複雜，加稅又會影響消費意欲。早前政府為左減低影響（維持景氣）以及推廣無現金支付，從10月至2020年6月為止會推行積分還原計劃。

 

呢一個積分還原計劃本來會按企業既商業規模，由政府透過支付業者向消費者提供事後既2%或5%積分。事後還原既積分對海外遊客無咩用，但最近就有一個大喜訊：

 

三大便利店（及部份企業）會自行簡化流程中付款時提供相應現金折扣！??

直接俾少2%，外國遊客一樣受惠！

 

計劃原本以「積分」形式提供回贈，但外國旅客唔一定時常去日本，而見積分唔儲多D得物無所用。三大便利店（7-11 / LAWSON / Family Mart）今次推行既呢一項德政就惠及日本國內及國外旅客用家，每次消費都等於有2%免稅，買枝茶買個飯糰都慳得到！

日本超火熱無現金支持商戰

 

三大便利店也好，各大連鎖/非連鎖企業過去都多有對應Suica卡、信用卡，而近一年就快速引入各種不同既無理金支付方式，仲會提供推廣吸引消費者使用。好似日本7-11呢期就同Meripay、LINE Pay、Paypay合辦回贈，每星期每種方案回贈100円，雖然唔多但消費者無須負擔咩成本就賺得到。

 

另一方面便利店自己都有推出自家支付，好似7-11就有柒出國際既「7pay」；

 

 

Family Mart亦有自家「Famipay」。

10月起增稅仲有咩對策？

 

雖然未有確實名單，但預計掃碼支付以外既IC卡（Suica等）、信用卡，只要係「非現金」就可以受惠。19年10月~20年6月尾遊日的話，用Suica、信用卡係慳錢好選擇！

 

除左期間限定回贈計劃外，熟讀以下文章了解點樣退稅，同埋用IKIDANE APP專享優惠券購物啦！

 

日本最新免稅制度資訊：https://press.ikidane-nippon.com/hk/a00144/ IKIDANE官方App超值優惠券滿載：https://press.ikidane-nippon.com/hk/c00059/

---

下載粹日本App，網羅更多日本資訊 iOS Android

 

發現文章有任何問題請話俾小編知☞ 回報表格