每年11月15日係日本既「七五三」，係一個慶祝孩童成長、保佑佢地快高長大既日子。

 

點解叫做七五三，當日又有咩要做，有咩要注意？由小編為你介紹！

七五三基礎知識

「七五三」其實係三個年齡既總稱，即係當年滿三歲、五歲及七歲既小朋友需要分別進行特定儀式。「七五三」點解係每年11月15日？道理其實好簡單：

 

7 x 5 = 35，然後35 + 3 = 38，最後3 + 8就係11（月）; 7 + 5 + 3 = 15，所以係15（日）

 

 

呢個解法當然係搞笑，千祈唔好當真呀！主流講法係德川將軍家族既「袴着之儀」最初就係訂於11月15日，「七五三」係沿襲德川家。

 

咁德川家又係點解選擇11月15日？其中一個說法主要係同舊曆有關：

 

 

舊曆決定曆法既方法係從11月開始，將11月視為「包含冬至在內既月份」，然後以新月為界將一年分為12份。因此11月係「最初的月份」；15日同樣響舊曆曆法中為滿月的日子有著象徵意義，11月15日就此被選中。

七五三時要做咩？

 

雖然現代已經唔存在同樣既習俗，「七五三」響過去代表著孩童三個重要既轉變：

 

三歲（男女）：三歲前不論男女都會定期剪頭髮，而從三歲起就會開始留長頭髮，稱為「髪置」 五歲（男）：五歲起男生最開始換穿和服下裝「袴」（はかま/Hakama），稱為「袴着」 七歲（女）：七歲為止女生穿著和服時束腰使用既係「繩」（紐），而七歲起就會換用同大家一樣既「帶」（帯），稱為「紐落」

 

 

因此一般而言男生、女生各會慶祝兩次「匕五三」，響對應既年齡既11月15日當日，穿著正式既和服帶備「玉串料」（參拜金）到神社參拜、拍照為正統做法。

 

時至今日則多出唔少變種，例如男女也好慶祝三次「七五三」、考慮到人多混雜及平日、周末因素而選擇11月15日正日以外既日子、男生穿著西裝而非和服參與參加等等。亦有人會選擇去影樓為七五三儀式拍照留念。

「七五三」的官方指定糖果「千歲飴」

 

七五三除左以上既規矩外，仲有必不可少既「千歲飴」。千歲飴通常只用於同七五三有關既場合，紅白色呈長條形。包裝袋上面多印有鶴、龜等日本既吉祥圖案。

 

 

多數情況下到神社參拜後會收到神社既千歲飴，但要留意並非所有神社都會提供回禮，最好係事先問清楚，有需要既可以響七五三時期到超市、便利店自行購買。

「七五三」的另一個意思

 

一般黎講提到「七五三」諗到既都會係小編上面提到既意思，之但係「七五三」其實仲係 ……

 

姓氏！

 

呢個姓同樣寫作漢字既「七五三」，讀音為「しめ/Shime」。據說呢個姓氏既由來同神社結界既「注連縄」（しめなわ/Shime-nawa），又名「七五三縄」有關。注連縄上面垂下既「幣」（へい/Hei）從右至左/左至右順序為七縷、五縷及三縷而得名。

 

小編響日本住左咁耐都係因為工作緣故見過呢個姓一次咁大把，真心係非常非常罕有既姓氏及小知識黎~

---

下載粹日本App，網羅更多日本資訊 iOS Android

 

發現文章有任何問題請話俾小編知☞ 回報表格