粹日本七種語言裡面既大部份小編都來自會用、識用筷子既地方，包括香港小編在內，台灣、韓國以及祖上係華人既泰國小編對筷子都係得心應手。 唔覺唔多覺，其實唔同國家、文化使用既筷子都有分別，即使同根同源進化到2019年已經出現好大既差異。

 

香港筷子

上圖既分別係日本常見，100円店都可以買到既日式筷子（左），以及泰國小編友情借出既中式筷子（右）。香港人家庭也好出街食飯都好都係使用呢類中式筷子較多，相比日式筷子要長唔少，頭尾既粗幼差別無咁大，而尖端部份中式筷子要比日式筷子粗身。 日本人即使屋企一家人食飯都習慣將料理分成每人一份，唔需要從大碟取用，亦無需要從遠處既碗碟處夾餸。

 

韓國筷子

韓國OPPA同韓國妹妹使用既係呢一種扁身金屬製既筷子。曾經筷子係用銀製，理由同大家過去聽過N次既一樣：銀製筷子可以試毒。現時韓國坊間既筷子一般都係金屬製，但過去只有王室先至用得起名貴既銀筷子。

 

至於扁平既形狀據說係為左節省材料，畢竟金屬相比竹木係貴價材料 ......順帶一提韓國人會將筷子同金屬製長羹配合使用，有湯汁既食物以及米飯用羹，其他就用筷子食用。

 

日本筷子

日本筷子最大特徵係末端最為尖細，原因係日本人愛食魚，細而尖既筷子方便幫魚拆頭拆尾拆骨。唔同國家既料理需要唔同既食具，即使同樣係筷子都大異其趣！

 

---

下載粹日本App，網羅更多日本資訊 iOS Android

 

發現文章有任何問題請話俾小編知☞ 回報表格