話說早喺5月頭嘅時候，本主席有一日食緊廣島菜伴小魚乾飯團，食食下咬到有硬物，吐出唻一睇，原來係一粒透明珠仔啊！於是本主席立刻PM 華御結 hana-musubi 講呢件事，好快就得到回覆。#華御結...
華御結黨さんの投稿 2019年7月31日水曜日
一提到飯糰，通常都會聯想到用紫菜包住既「三角形」飯，呢個亦係外國人印象最深既「飯糰」樣式。之不過飯糰是咪就一定要三角形？
三角形先至係飯糰？
雖然話飯糰典型形象係三角形，但其實返過鄉下幾次食過唔同便利店、超市既飯糰，又或者有望過響香港發售既飯糰，都知道飯糰唔止三角形。
飯糰雖然形狀有好多，但現今日本人其實同外國人一樣，提起飯糰首先諗到既一樣係三角形。過去形狀多樣化既飯糰變成「三角形飯」既原因其實係便利店7-11。
日本7-11從1978年起發售三角形既飯糰，現時響日本（香港）買得到，只需要2、3步撕開塑膠包裝就可以食到既飯糰既元祖。憑著分店多又遍布日本既優勢，飯糰既形象就逐漸統一成三角形。當然現在既中、老年日本人經歷過未有便利店飯糰既時期，所以部份人依然會記得「過去既飯糰」形狀要更多樣化，而唔係三角形一枝獨秀。
飯糰主流仲有咩形狀？
只要細心觀察便利店既飯糰櫃，不難發現數量、種類最多既三角形紫菜飯糰之外仲有：圓盤形
俵形（圓桶形）
另外亦有鮮有作為商品發售，常見於家庭料理既「圓球形」
如何握出一個好吃的飯糰
今時今日即使日本人都唔會經常自己握飯糰，如果你咁有熱誠想要自己嘗試一下的話，可以參考以下影片DIY：
題外話：飯糰 = 御結？
華御結（はなむすび / Hana-Musubi）中既御結其實係飯糰（おにぎり / Onigiri）既另一個名稱。有小編響日本親身視察，多數情況見到既都係「Onigiri」，間唔中會有餐廳、商品使用「Omusubi」，當然日本人兩種講法都認識，都會使用。
語源方面有各種各樣的說法，例如過去地域上有分偏向使用Onigiri / Omusubi，亦有講法係Onigiri不分形狀Omusubi只能係三角形，或者話Omusubi係過去宮廷、貴族家庭中既女宮所使用既隱語。講法太多其實有無真相真係無人知 ……
下載粹日本App，網羅更多日本資訊 iOS Android
發現文章有任何問題請話俾小編知☞ 回報表格
