到訪日本既神社、寺廟時除左參拜以外，仲有其他與運勢相關既行事。既可以抽一張御神籤睇睇自己黎緊既運程，亦可以選購保佑不同方面既御守。
除此以外仲有一個方法，就係響神社、寺廟留下一個寫有你願望既繪馬，以期心想事成。
何為繪馬？
日本人相信神明以馬匹為坐騎，因此民眾過去會將活馬送贈予社寺以作祭品。然而大大匹馬唔係好多人送得起，因此獻馬習俗慢慢演變成使用木馬、紙馬、土馬等代用品。據現今史料於奈良時代（710~794年）起就有出現響木板上畫上馬匹既行為。
風俗後來演變成響畫上馬匹既木板空白處寫上自己既願望後「奉納」予神社以達祈求事成之效，是為「繪馬」。相傳現代繪馬既發祥地為京都既「貴船神社」。
最主流既繪馬為不等邊五角形（屋型），一面畫有馬匹，另一面則會填寫願望用的空白位置。除左最為經典既繪馬外，視地域不同亦會有不同形狀（如長方形）既繪馬。亦有部份神社既繪馬上面並無馬匹，而係畫有達摩或其他形象。
此外近年亦流行設計更加新穎有特色既繪馬，之後我地會詳細介紹！
繪馬點樣寫先岩？
希望心想事成的話除左要誠心之外，亦唔可以忘記寫繪馬都有一定既規則：
1) 願望等內容要寫響空白既背面，一般設計既繪馬的話即使正面（有馬既一面）都唔好寫野
2) 為左等神明睇完繪馬搵得番你，最低限度要寫低姓名同年齡。（過往習慣則為只是出生干支以及性別，如「寅歳女」）
3) 放置繪馬既繪馬架多數位於室外，記得使用不易脫色既marker（社寺方面基本上會準備合適既書寫工具）
4) 正正經經地寫上願望就可以，無須轉彎抹角。一塊繪馬可以寫上多個願望，但不建議貪得無厭。橫書直書均可。
繪馬可以帶走嗎？
繪馬用途係向神明傳達願望，因此適當既做法係寫下願望之後將繪馬掛響社寺內既繪馬架。然而想要留為紀念的話亦無不可，但要留意將繪馬帶走的話就無祈願作用，只能夠當作紀念品。
另外神社、寺廟其實會定期將積存既繪馬用特定方法焚燒，假如你選擇將繪馬帶走的話，記得要好似處理御守、御神籤一樣使用。適當而合乎禮儀既方法
靚靚繪馬介紹
愛知縣・三光稲荷神社 京都府・河合神社 京都府・伏見稲荷大社
下載粹日本App，網羅更多日本資訊 iOS Android
發現文章有任何問題請話俾小編知☞ 回報表格
