日本人的大牌檔「屋台」

無論去邊度旅行最希望都係體驗當地風情，即使言語不通都會走出遊客區，去一D當地人都會造訪既景點、食肆，唔好困住自己響comfort zone。

響九州福岡就有數條屋台街，歷史悠久得黎亦為外國旅客認識。難得既係呢D屋台街同樣受當地人愛戴，可以邊享用在地美食之餘，觀賞一下日本人既夜生活。

今次粹日本小編就同大家介紹一下日本人的大牌檔：屋台！

福岡三大屋台

屋台始於江戶（現東京），為應付單身赴任人士的飲食需要而誕生。而現代屋台則從二戰後既黑市而來，曾經日本國內各地都可以見到既屋台已多被取締，除了福岡仍然有一定規模的屋台定期營業外，通常只見於祭典或大形活動時期間限定營業，以及已經上岸，變成以接待遊客為主的屋台村。

福岡有百餘間屋台，佔日本國內超過4成（2014年數字）。而福岡中既屋台又集中在以下三個地方：

・博多區中洲・中央區天神（北、南）・長濱

福岡既屋台並非從早到晚營業，多數係從傍晚約6點~深夜期間。雖然經營屋台需要領牌，但當中多數屋台並非固定設置，而係營業前拖放到指定位置。

一般屋台睇落就係我地既大牌檔，為左擋風保溫會加設膠簾分隔。屋台多為一個三面放置座位的方陣，店主於方陣中間煮食，只有吧台位亦不會特別分設吸煙區。

屋台主流係各種日本料理，當然能夠提供既唔會係料亭級別懷石料理，而係平民既拉麵、燒雞串、關東煮等輕食。

另外亦有少數提供日本料理以外食物既屋台，屋台酒吧等亦散見於各個屋台集中地區。提到酒吧，屋台除食物以外亦會售賣各種酒精及軟性飲料。

屋台係福岡的當地本土文化，想要盡情享受屋台樂趣的話首先要了解店鋪與客人之間各種成文、不成文既規定。

遇上惡劣天氣的話戶外營業既屋台通常都會休息。而屋台多數店主一個人擔大旗，因此店主身體欠佳或者有要事的話就可能會臨時休息。因此即使事前查清楚營業日都可能會遇上臨休。

屋台並唔會設置獨立廁所，即使係成片營業既地方都唔會有流動廁所之類既設施。因此最好係去定廁所先開始排隊等食。如果真係人有三急的話可以詢問店主附近有無可以使用既廁所。

屋台一般都會將菜單同價錢牌show出黎，但亦有可能有一D無註明價錢既料理，呢個時候就要先問清楚幾錢先點餐。部份料理（如串燒等）標示既可能係每串既價錢，但點菜時最少必須點2串等等。

另外唔少屋台都會同居酒屋一樣強列提供收費既お通し，又或者會有必須點最少一杯飲品既規定。亦有屋台會規定不能加點，只能入座後點餐一次。呢一類既不成文規矩外國旅客唔一定清楚，因此最好方法係有唔肯定就要開口問。

屋台地方淺窄每個位置既空間都唔多，因此響出入、用餐時都難免要同其他客人協調。另外可以放置隨身物品既空間不多，特別係貴重物品要跟身。

福岡市官方City Guide「YOKA NAVI」中提供左唔少有關屋台既實用資訊，下次去福岡前先參考以下網頁尋找你想造訪既屋台啦！屋台一覽：https://yokanavi.com/zh-tw/yatai/list/ 屋台地圖PDF（只有日語）：https://yokanavi.com/assets/uploads/2019/04/c664507f8889beb2feaf3aa54a501205.pdf

下載粹日本App，網羅更多日本資訊 iOS Android

發現文章有任何問題請話俾小編知☞ 回報表格