《火影忍者》呢部動漫有無人唔認識？火影以及其續作《BORUTO –NARUTO NEXT GENERATIONS-》可謂日本國內外都咁出名，原作漫畫單行本銷量超過2億5000萬冊，係一整代人既回憶。
想要走入火影世界的話就要去富士急高原樂園既新設園區！
![](https://press.ikidane-nippon.com/wordpress/wp-content/uploads/2019/07/a00613_01.jpg")
©岸本斉史 スコット／集英社・テレビ東京・ぴえろ
新園區以火影忍者故事中心既「木葉忍村」為原型設計，有睇過漫畫既你一定知曉當中特別之處，同小編一齊走進木葉吧！
3D射擊場「科學忍具道場」
戴上3D眼鏡使用忍者槍打擊目標的的射擊遊戲。 （費用1,500円，可使用Free Pass）
小編二人一齊試玩，互相競爭之下分別得到中忍及上忍評價。如果取得50萬分以上的話仲可以得到火影級稱號！
重溫原作名場面的博物館「忍道館」
鳴人以及博人忍者生涯中的名場面可以響館內180度視野劇場以及火影室重溫，對原作愈熟悉愈能感受到其中有趣之處！（費用800円，可使用Free Pass）
仲可以同1:1鳴人影相！
「忍術嘉年華」玩盡火影風遊戲
每個回合500円，三種遊戲中你又最鍾意邊種？
成功將藍波波投進金碟即為過關既「操縱螺旋丸！」
瞄準曉成員弱點投擲手裏劍既遊戲「手裏劍狙擊！」
用槌將蛤蟆打飛去白色碟上面既「飛行蛤蟆通靈之術！」
睇落好似好簡單，其實好考驗你既忍術才能手眼協調。成功過關的話就可以得到其他地方無得賣既角色公仔（鳴人、博人、佐助三選一）
「萬花筒寫真館」用血繼限界影紀念相
響呢度可以影低同作品角色、世界合二為一既特別版相片，成為忍者就係咁簡單！
FANS唔會唔識既「一樂拉麵」
鳴人最愛既食物當然係「一樂拉麵」！拉麵以外亦有飲品、甜品，仲可以見到雛田同伊魯卡老師食麵既身影添！
品嘗忍界輕食「甘美堂」
甘美堂所發售既「鯛魚燒」並不是單純既鯛魚形，而係將富士山同鯛魚合二為一既特別設計，要係富士急先食得到！
博人「芝士漢堡鯛魚燒」、巳月「白月鯛魚燒」（期間限定）以及沙羅娜「吞拿魚蛋沙拉鯛魚燒」（期間限定）
購入指定角色商品的話就可以得到原創貼紙。
除左以上小編提到既各區外，仲有更多可以俾你體驗到鳴人、博人忍者世界既設施！
官方酒店特設和室重現火影忍者世界觀！
俾大家睇少少相，想要知道所有特設和室精彩之處就要預約入住啦！
經此連結可預約官方酒店的「忍之間 - 日本忍者套房 NARUTO-」
新園區於7月26日開業，想要體驗兩世代火影世界的話就記得快D去富士急高原樂園玩啦！
富士急高原樂園
HP：https://www.fujiq.jp/zh-CHT/ 前往方法： https://www.fujiq.jp/zh-CHT/access/下載粹日本App，網羅更多日本資訊 iOS Android
發現文章有任何問題請話俾小編知☞ 回報表格
