自從子華神說出一句「香港精神就係面斥不雅」似乎人人都開始認真了解呢一句如同《鬥陣俱樂部》一樣既句子：存在卻無人聽及，亦鮮有人真係以此為依仗去面斥他人。「面斥不雅」就係放響度等你自律、「自己識做」。
日本人向來被認為自律又守規矩，而且「好識做人」、「懂讀空氣」。日本人最日本人既，大概就係古都京都既一眾住民。京都人生活中就有著一種「面斥不雅」的舉措。
いけず石（壞心眼石）
在京都旅遊時你可能會見到路口轉角位有時候有一舊石，唔大唔細剛剛好放響路邊。石頭唔似樹木有蔭好乘涼，石塊不規則明顯唔係俾你坐低等過馬路。一塊看似無用既石頭點解要存在？
呢D放響角落頭既石頭稱為「いけず石」（Ikezu-ishi），いけず為京都話意思等於日語標準語中的「意地悪」，代表一些立心不良既行為。いけず石一般係放置響建築物外的私有土地角落處，目的係用黎保護自家建築物不被車輛撞損。
日本既車路本來已經出名窄，而京都既路比窄更窄，出入駕駛相當有難度。會駕車既人唔少都應該試過轉彎時稍為鏟上路邊偷位，不少京都樓房就成為偷位車既犧牲品，被鏟入黎既車撞傷。
京都人既解決方法有效又粗暴，就係響自己私人土地既邊位放一塊大小剛剛好的石頭，唔會大到有礙景觀，但又大到可以防止你鏟上路邊（兼調番轉整花你架車）。
壞心眼石因為放響私人範圍所以並不違法，亦唔係D咩主動攻擊武器，只要司機們奉公守法唔好駛入人地地頭就無問題。假如你立壞心腸想要偷位就真係「面斥不雅」啦 ……
呢舊石頭唔似得警告標語咁損害風景，但又實實在在地話你知唔好行差踏錯，真不愧係連一般日本人都覺得有夠難相處既京都人「生活智慧」。
順帶一提，有時候會出現一D用途一樣，但設計就比較獵奇既版本 ……↓
題圖：“Ikezu Stone at Aoyama” by Dick Thomas Johnson is licensed under CC BY 2.0
下載粹日本App，網羅更多日本資訊 iOS Android
發現文章有任何問題請話俾小編知☞ 回報表格
