日本首間蜜瓜專門工房登陸神樂坂！

日本既蜜瓜夠曬出名更加係優質蜜瓜既代名詞。東京都神樂坂最近就開左一間蜜瓜專門工房「果房メロンとロマン」。佢地選用既係青森縣津輕市既蜜瓜，讓你可以用五感體驗津輕蜜瓜既美味！

有無發現店面既外裝有咩特別？淺綠色既磁磚配上白底，遠睇已經知係賣蜜瓜既鋪頭！講你都唔信門口仲有種植蜜瓜，話唔定遲早可以食到呢D蜜瓜製作既甜品？

打開一樓既大門即刻就可以見到蜜瓜。呢一D係「今日的蜜瓜」，當天購買到既甜品就係用同品種既蜜瓜製作，食過好味的話仲可以成個賣走！

想要讓蜜瓜更好食既秘訣係先於室溫放置約7~10日，食之前先放入雪櫃冷凍，a咁就可以保持到蜜瓜既juicy又柔軟！成個買走帶番香港又麻煩又驚食唔曬？響店內享用各種蜜瓜甜品啦！

Showcase裡面放住既係蜜瓜布甸！使用既蜜瓜每日不同，有時候仲會用上橙色果肉既蜜瓜添！

另一樣必須介紹既係「蜜瓜味水試飲比較」，可以感受到唔同蜜瓜既不同香氣同味道。可以免費試飲，先試下邊隻蜜瓜岩你口味啦！

二樓係CAFE，可以堂食享用剛才介紹既甜品。

店內除左可以食到蜜瓜外，設計裝潢，以至壁上面掛住既書本、照片通通都係蜜瓜！店內仲會播放蜜瓜卡通，實行為你帶黎視覺上既享受！

諗都無諗過同蜜瓜有關既商品竟然係 ……墨水？下面既5種墨水顏色均取自津輕市出產既蜜瓜；

二樓CAFE每張台都放有墨水筆，可以用黎畫出你既理想蜜瓜！

最最最重要既當然係以味覺黎體驗津輕蜜瓜！小編今次就試過夏季限定既「紅‧綠蜜瓜芭菲」以及「和風泡沫蜜瓜刨冰」！

今日使用既兩款蜜瓜正好同其中兩枝墨水筆一樣色~

「和風泡沫蜜瓜刨冰」係「泡沫蜜瓜刨冰」既加強版，額外加入蕨餅、抹茶雪糕、紅豆粒非常豪華。

津輕市馳名既5種蜜瓜（レノン、タカミ、アスコット、キスミー、ホームラン）之中嚴選時令種類，一次過試勻唔同口味既「蜜瓜試食比較」同樣要留意！

果房 メロンとロマン