想要找到另一半，實際做法可以去speed dating、玩APP，亦可以佛系等運到；如果你覺得自己運勢唔夠好既話，不如試下去以求姻緣聞名既埼玉縣川越市「冰川神社」增強自己既戀愛運？
川越冰川神社的歷史
冰川神社據信有著約1500年歷史，而主祭神係「素盞嗚尊」。另外4名祭神分別為素盞嗚尊既妻子「奇稲田姫命」、兒子「大己貴命」，以及奇稲田姫命既父母「脚摩乳命」及「手摩乳命」夫婦。因為5名祭神均為親戚關係，因此冰川神社就有祈求家庭圓滿、夫婦圓滿以及姻緣既效果。
結緣CAFE讓你找到緣分
去冰川神社除左一般既祭拜以外，記得要去埋冰川會館內既「結緣CAFE」（むすびcafe）！當然呢一間cafe並唔係「相席屋」等刻意將男女混搭既餐廳，但話唔定剛求完姻緣既你就能夠響呢度收穫到緣分？
小編點左上面既「お結び膳」，套餐有2個飯糰、日本煎捲蛋、三款配菜、味噌湯以及醃菜。
2個飯糰分別為「鹽飯糰」以及「鯛飯糰」。鹽飯糰日語本為「Shio-musubi」，不過為求好意頭店方將其取名為「En-musubi」，讀音同「結緣」一樣。而鯛飯糰係以醬油、料理酒以及鯛魚味調料製作。
日語中「おめてたい」係用黎形容值得慶祝既吉事，而鯛魚（たい）發音等同最後2個音節，因而使用鯛魚響日本料理有著喜慶既意思。
店方仲會特別介紹，飯糰中使用既鹽以及料理酒都係經過神社開光，效果會唔會更上一層樓就睇你有幾大信心啦。
結緣CAFE (むすびcafe) 地址：Hikawa Kaikan 1F, 2-11 Miyashitamachi, Kawagoe-shi, Saitama 營業時間：10:00~17:00（7月6日至9月8日風鈴節期間延長營業至18:00） HP：https://musubicafe.com/
結緣風鈴節
冰川神社夏季時會舉辦夏日限定活動「結緣風鈴節」（縁結び風鈴）。今年會期為7月6日至9月8日。 想要更進一步融入靚靚風鈴節之中就記得要著浴衣！穿著浴衣時有咩要留意？由粹日本為你解說！
每個風鈴上都有掛住俾你寫上心願既紙條，趁機會與心愛既人關係更進一步！ 除左風鈴外亦有「想要見你御神籤」（あい鯛みくじ），點解鯛魚又又又一次出現？因為鯛魚（たい）日語發音就同「想要」一樣，所以「あい鯛」就變成「想要見你」既意思；你無睇過又係玩諧音 ......
300円就可以抽一次籤，你要使用魚竿將鯛魚「釣出黎」，睇落簡單其實好考技巧！
緊張既時刻黎啦 ......小吉！ 雖然唔上唔落但至少唔係凶，而且可以得到一隻可愛既鯛魚仔帶翻屋企做手信~
如果你抽到既係凶籤的話，可以將紙條綁響上圖既木架上面以消災解難。
除左求籤以外小編仲買左一個風鈴御守，據說可以保佑姻緣！
晚間的風鈴節另有不同
入夜亮燈後既風鈴陣同白天相比又有不同，帶點神秘又有點浪漫。
走過七彩顏色既風鈴隧道後，仲有透明風鈴陣等緊你！
神社又點可以少得繪馬？留下你既心願，亦可以睇下其他人到訪冰川神社有咩願望！唔單止日本人，外國旅客用唔同語言寫低既繪馬亦唔係少數。
最後睇埋光之河（光る川）就係一個完美既川越姻緣散策！
活動詳情 舉行日期：2019年7月6日至9月8日 地點：川越冰川神社 HP：http://www.hikawa-fuurin.jp/
風鈴回廊：9:00~21:00 光之河：19:00~21:00 戀之煙花：7月27日~ 戀之燈火：7月27日~8月31日
下載粹日本App，網羅更多日本資訊 iOS Android
發現文章有任何問題請話俾小編知☞ 回報表格
