去日本既都會、大城市如東京、大阪等地旅行，只靠公共交通工具加必要時坐的士已經能夠應付絕大部份需要，然而去二線城市或者郊區動物多過人既地方，相比一日只有2、3班既巴士或者貴到無倫既的士，租車自駕遊會係更好既選擇。
香港車牌可以換成國際牌響日本一樣通用，但交通規則係一回事，不成文既潛規則係另一回事。即使係日本既駕駛學校都唔會教，只能靠實際體驗既日本駕駛潛規則，由粹日本話你知！（大家試下比較下，當中有無同香港相似既規矩？）
故障燈
故障燈本來既用途係向其他車輛表示自車發生問題無法行走，響日本呢個「正常用途」當然係最主要既用法。
除此以外：
●Thank You 如遇上其他車輛讓你看先，可以響爬頭之後點著故障燈1~2秒表示「感謝之情」。
●需要停車時 行駛途中或者於停車場泊車時，可以使用故障燈向後面車輛傳達「需要停下」。
●前方塞車/意外 特別係於高速公路上如果見到前方有事故或車龍的話，可以點著故障燈向後方車輛預先傳達好作出準備。
●惡劣天氣時使用 遇上惡劣天氣如濃霧/大雪時，日本司機會點亮故障燈以顯示自己存在。（切記天氣惡劣時駕駛要加倍小心，或者不自行駕駛使用其他交通工具）
Passing（大燈閃爍/上下燈交替點亮）
上述2種做法響日本稱為Passing（パッシング / 通過），有以下幾種用法：
●Thank You 故障燈閃爍係向後方車輛傳達感謝，而passing則係向對頭車傳達。例如對頭車讓你先行時可以用一次passing閃爍黎表示感謝。
●讓對方先行 日本部份車道容許紅燈時右轉，如果遇上對頭車想要右轉而你希望讓對方先行的話，可以用passing傳達。
●希望對方讓路時 加果你遇上後方車輛對你使用passing，意思可能係「
●一般性提醒 對頭車對你passing既另一個可能性係喚起你既注意，包括但不限於： ・無熄大燈 ・前方有野生動物 ・前方有路障
呢一D始終屬於不成文潛規則而非明確交通規例，使用時見到時都要多加留意，唔好過份依賴而忽視路面情況。
下載粹日本App，網羅更多日本資訊 iOS Android
發現文章有任何問題請話俾小編知☞ 回報表格
