炎炎夏日怎能夠唔食刨冰！日本既刨冰早已經唔單得動畫裡面出既簡單款式，年年都都有創作包保超乎你想像！ 今次小編就搵黎東京都內5間廣受歡迎現正大人氣既刨冰店，今個夏日消暑有法！
銀杏之木（いちょうの木）
銀杏之木既刨冰選用時令生果，會隨著不同季節更換款式。而且刨冰既設計都各有特色，唔單止好味仲好睇，記得唔好掛住影相唔記得開餐！
小編當時品嘗既呢一款就以粉色花葉點綴，夏天見到心已涼！
要留意店鋪本身座位不多通常都要排隊，而且最多只接受每組4人（唔保證可以連座），人數太多恕不招待。挑選喜歡既刨冰，享受片刻既清涼同寧靜吧！
店鋪資料 地址：東京都品川区北品川1-28-14 營業時間：11:30~開放填寫記名紙，填滿則當日營業完結（7~9月）、11:30~17:00（10~6月）
Sebastian（セバスチャン）
店鋪位於澀谷近年人氣急升既「奧澀」地區，時不時就有電視台去採訪，夏天總係有長長人龍，為求食到一件美味既刨冰 ...蛋糕？
睇落似蛋糕其實係特別製作既刨冰，外面有忌廉芝士清爽可口，中間就有大量既忌廉、芒果醬，同炎夏非常配合！
店鋪資料 地址：東京都渋谷区神山町7-15 １０２ 營業時間：11:00~18:30(LO)，10點起開始記名。星期五休息，營業時間或有變動，請以店方Twitter為準。
KAKIGORI CAFE&BAR yelo（かき氷カフェバー: yelo）
六本木同樣有唔少特色刨冰店！yelo 營業至清晨，如果你飲完酒想食番D冰醒個神既話就最好不過！
另一特色係bar time時會有加入酒精製作的「大人的刨冰」，認真唔係度度都有得食，如果會去六本木的話就要留意啦！
店鋪資料 地址：東京都港区六本木5-2-11 パティオ六本木 1F 營業時間：11:00~05:00（LO 04:30）【星期一至六】；11:00~11:00（LO 10:30）【星期日及假期】
冰屋Peace(氷屋ぴぃす)
位於吉祥寺既呢一間刨冰店同樣備受電視台歡迎，久不久就會見到佢地上節目！
提供既冰品會不是轉款，唔同季節以及節日都會有期間限定款式。小編當時品嘗既就係蘋果批口味，是咪聽到都想試先？
店鋪資料 地址：東京都武蔵野市吉祥寺南町1-9-9 吉祥寺じぞうビル 1F 營業時間：10:00~18:00（LO 17:30）【星期二至日】
Cafe Lumiere(カフェ ルミエール)
另一間位於吉祥寺既人氣刨冰店。特色菜單係燃燒冰！
秘密在於響冰既外面包裹一層蛋白霜，然後點火燒香就可以食！冰火兩重天夠曬特別！
店鋪資料 地址：東京都武蔵野市吉祥寺南町1-2-2 東山ビル 4F 營業時間：12:00~20:00（LO 19:30）【星期一至日及假期】
下載粹日本App，網羅更多日本資訊 iOS Android
發現文章有任何問題請話俾小編知☞ 回報表格
