位於北海道東部既「知床」半島於2005年7月獲登錄為世界自然遺產，而知床之中又有所謂的「知床八景」。八景分布於知床峠以及半島西側的斜里町。八景有著各自的獨特個性，而且隨著四時變化會有著不同既景致，係不少自然愛好者既必去之選。
知床八景除了知床峠以外均位於斜里町側，八景名單如下： • オシンコシンの滝 • オロンコ岩 • 夕陽台 • プユニ岬 • フレペの滝 • 知床峠 • 知床五湖 • カムイワッカの滝
北海道非常非常大，知床半島面積亦唔細（獲列為遺產地域的有71,000公頃，陸地48,700公頃/海域22,300公頃，而整個香港都不過係110,600公頃），不過知床八景主要集中在西岸，如果自駕的話可以密集式去完一個景點再去另一個。
自駕租車的話當然選用「Times租車」！細細聲話你知，經連結預約有10%折扣架！
公眾交通工具方面可以使用「斜里巴士知床線」，沿線巴士站部份可以直達八景景點，或者落車後步行就可以到達。
接下來同你細數每個景致既特別之處！
知床五湖
知床五湖靠背知床山脈，周邊既樹林中有著各種野生動物繁衍。過去默默無名既五個湖泊被獲得命名後就成為觀光人士必到的景點。配搭湖水倒影欣賞到既知床山脈及樹林自然景致至為獨特。 想要遊覽知床五湖有兩個方法：
高架木道
常年開放，無須預約亦不收費。路線可參考：https://www.goko.go.jp/elevated_wooden_path.html
地面步道
地面步道並非通年開放，從4月下旬至11月下旬之間以預約及收費形式開放。另外不同時期會有不同既入園要求及限制，詳情可在官網確認。
地面步道的好處係有機會同不同既野生動物作近距離接觸，亦可以睇到動物同自然之間既互動，同高架道路相比又有不同。
巴士前往方法：斜里巴士知床線於「知床五湖站」下車後步行約5分鐘
神之水溫泉瀑布（カムイワッカ湯の滝）
溫泉瀑布顧名思義，係從知床硫磺山中流出既溫泉水從衍生既瀑布。下遊既「第一瀑布」至上遊既「第四瀑布」溫度會逐漸升高，而末端的第一瀑布水溫約為30度左右。現時第一瀑布以外因為有落石危險而禁止進入。
巴士前往方法：斜里巴士知床線於「カムイワッカ湯の滝站」下車
乙女之淚瀑布（フレペの滝）
可以從展望台觀賞到懸崖絕壁以及鄂霍次克海，亦係知床八景中號稱最能夠輕鬆遊覽的景致。
乙女之淚得名在於呢個瀑布既水源並非來自連接的河川，而係雨雪滲入地面後從斷崖處絹絹細流般的瀑布水流就好似淚珠一樣。
巴士前往方法：斜里巴士知床線於「知床自然センター站」下車後步行約20分鐘
プユニ岬
プユニ岬位於臨近幌別橋，從該處可以睇到一望無際既知床港以及周邊的村落。附近不時會有蝦夷鹿出沒，運氣好的話有機會見到不同品種的海雕。
除左係欣賞日落既好地方之外，從鄂霍次克海流至日本既浮冰會先到達プユニ岬範圍，季節適合的話可以見到水面上浮著一層冰塊。
巴士前往方法：斜里巴士知床線於「知床自然センター站」下車後步行約30分鐘
夕陽台
提到睇日落，知床八景裡面仲有另一個以日落聞名的地方。位於知床國營露營場內的「夕陽台」讓你看到大海被夕日染紅的美景。冬天如果有浮冰的話睇到的則是太陽反光的閃爍。
如果係同情人一齊去知床八景的話，就記得絕不能錯過夕陽台啦！
巴士前往方法：斜里巴士知床線於「ウトロ温泉バスターミナル站」下車後步行約15分鐘
オロンコ岩
「オロンコ岩」（Oronko岩）呢個名來自北海道原住民愛奴人既愛奴語，意即「坐落在該處的岩石」，甚區過去在岩石周邊居住的人都被稱為「Orokko族」。
オロンコ岩高約60米，建有約170級梯級，只要拾級而上就可以到達岩頂，從上面眺望知床的鄉鎮同知床山脈別有一番風味。
巴士前往方法：斜里巴士知床線於「ウトロ温泉バスターミナル站」下車後步行約5分鐘
オシンコシンの滝
獲選為日本百大瀑布的「オシンコシンの滝」為知床半島中最大的瀑布。瀑寬約30米、高低差達50米，中段會因地勢一分為二，因而又有「雙美之瀑」的美稱。而且冬天亦不會結凍，常年可以觀賞到氣勢磅礡的瀑布。
巴士前往方法：斜里巴士知床線於「オシンコシンの滝站」下車後步行約3分鐘
知床峠
知床峠係唯一一個不在西邊斜里町近岸的八景景點，而位於半島中央的羅臼岳之上。
知床峠處有著唯一打通整個知床半島的知床橫斷道路，呢一條國道每年只從5月開放至10月，其餘時間因為安全問題而不允許通行，每年春天道路開通前亦需要長達一個月既準備工作。
在知床峠可以睇到各種景色，除左日出、雲海之外，秋天既紅葉亦相當有名。晚上仲有城市已經睇唔到既星空。
巴士前往方法：斜里巴士知床線於「知床峠站」下車後步行約3分鐘
想要輕鬆遊知床八景記得做足以下2件事： 1) 使用粹日本製作既知床八景一覽Google Maps清單: https://goo.gl/maps/9CVnZ7GpzW9tvyX9A 2) 經以下連結使用Times 租車有10% OFF！ https://www.timescar-rental.com/af/7822000083/zh_tw/?utm_source=Other201901&utm_medium=email&utm_campaign=IKIDANENIPPON_article_hk&trflg=1
下載粹日本App，網羅更多日本資訊 iOS Android
發現文章有任何問題請話俾小編知☞ 回報表格
