何為川床？
川床始於江戶時期，至今已有400年歷史。最初係富商於京都鴨川河岸地面上擺放座席、茶店，當時被稱為「河原的消暑法」。而後曾經有過擴張、消失等起跌。至二戰後由京都府議會議決通過使得川床得以復活，至今約有100家不同既川床，是最初復蘇時的2倍有多。而京都貴船一帶的川床則首現於大正時代，當時客人喜歡浸腳入貴船川消暑一邊飲茶傾計，後來就演變成另一種既川床。
現時既川床已經唔係直接鋪響砂石地面，而係搭建臨時露台響上面鋪設榻榻米同放上桌椅，亦唔會有機會俾你浸腳落河川裡面~
川床有幾個名？
川床又稱為「納涼床」，不過日本人稱呼時主要使用叫法係川床。有趣既係京都內不同地區既川床都有不同稱呼！鴨川：ゆか（Yuka） 貴船、高雄：かわどこ（Kawa-Doko）
幾時可以體驗川床？
川床係為左夏天消暑，當然要係天氣夠熱需要涼爽時先用得著。即使你想要體驗都好，大阪、京都既川床只在５～９月營業。
其中5月既稱為「皐月之床」、6~8月為「本床」，9月為「後涼之床」。本來川床只在6~8月營業，後來擴大至5~9月。另外只於5及9月一前一後川床會做埋午市，其他時間只有晚市。
另外提到咁有日本特色同悠久歷史既川床，唔少人都會覺得一定係食京都料理。其實今時今日既川床一樣會提供洋料理、中菜等唔同風格既美食。
川床的禮儀
體驗川床既係用餐，亦係消暑同睇景既好機會。預約之後準時現身係基本，除此之外仲有留意：
1) 服裝：雖然係夏天又係坐出去，都請穿得得體唔好失禮。 2) 落雨 =/= 自動cancel：如遇雨天當然無得坐室外，店方會準備室內座位，料理繼續享用。 3) 除鞋但要著襪：納涼床有鋪榻榻米所以要除鞋，但要留意著襪多一層保護。 4) 日本餐廳唔少都容許食煙，但川床因為大家同坐室外又有微風吹拂，記得唔好食煙啦。
京都川床推介
鴨川：先斗町魯ビン
店名：先斗町魯ビン 地址：京都府京都市中京区先斗町通り若松町137-4 Tabelog: https://tabelog.com/kyoto/A2601/A260202/26001889/
京都貴船：貴船ふじや
店名：貴船ふじや 地址：京都府京都市左京区鞍馬貴船町40 船神社鳥居前 Tabelog: https://tabelog.com/kyoto/A2601/A260502/26000986/下載粹日本App，網羅更多日本資訊 iOS Android
發現文章有任何問題請話俾小編知☞ 回報表格
