自己垃圾、自己責任、自己處理
雖然間唔中會有例外情況（例如萬聖節過後既澀谷），多數時候日本人都會認為「自己既垃圾應該帶返屋企處理」，而唔係響公眾地方棄置。做到極致我地都見過既就有睇完波後日本人自發掃除執到垃圾既現象。日本烏鴉太多？
另外一個說法係日本有好多烏鴉，街頭「中門大開」張垃圾桶只會引來烏鴉開大餐，翻找垃圾整到成地都係。黎過日本既都知道烏鴉多係事實，但係垃圾桶其實可以改善設計防烏鴉咪得囉？恐襲帶來的教訓
30~40歲或以上既日本人可能會記得街頭尚有不少垃圾桶既日子。曾經日本市面亦有設置垃圾桶，直到95年既奧姆真理教地鐵沙林毒汽事件以及01年恐襲後垃圾桶開始消失，據稱反恐亦係消滅垃圾桶既理由之一。早前大阪舉行G20峰會，市面既垃圾桶、LOCKER，甚至自動販賣機都要暫時封閉以策萬全。 之但係點解垃圾桶就好危險，LOCKER就可以避過一難？源頭減廢節省開支？
仲有一個意想不到既理由，就係只要唔放垃圾桶，地方政府就可以唔請人收垃圾、換垃圾袋，減少開支。雖然隨地丟棄既垃圾最終都要由公家處理，但只要教育做得好再收起你地D垃圾桶，就可以既達到cut budget又能夠保持街道美觀；一舉兩得！下載粹日本App，網羅更多日本資訊 iOS Android
發現文章有任何問題請話俾小編知☞ 回報表格
