5月1號起日本正式進入令和時代，同日響東京淺草就有一間新甜品店開幕。「淺草莓座」睇名就知以士多啤梨做主打，本身已經夠甜夠正既日本產士多啤梨整成甜品實在食指大動！

 

 

店鋪位於晴空塔附近，正正係現時最受歡迎既觀光區之一。佢地使用既由有著40年經驗既士多啤梨職人所培植既日本國產士多啤梨，保證優質！

 

 

小編首推「士多啤梨冰沙」！不使用任何香料、防腐劑、色素，無論係顏色、口感定味道，都依靠材料本身；

 

 

每杯士多啤梨冰沙使用多達16個完熟士多啤梨，雪至冰凍後同牛奶一齊打成冰沙。黎緊就快夏天，係時候飲下清涼飲品消消暑！

 

 

11~6月期間限定和菓子記得要試！使用前一日採收既嚴選士多啤梨，鮮度過人！

 

熟透芯既香甜士多啤梨加上北海道紅豆蓉同特製生忌廉，分別使用麻糰同pancake皮包裹就變身「大福士多啤梨」以及「座布團銅鑼」！

 

 

「座布團銅鑼」有3種口味可選，一般生忌廉、抹茶忌廉以及忌廉芝士。四方形細細件，一於買齊所有口味同朋友分享啦！

 

 

 

玩完一日之後買和菓子返酒店當作宵夜最好不過！鮮製和菓子最好當日享用，最遲第二天就要食落肚！

 

 

美食以外淺草莓店既店面同樣花上心機布置，一樓店內有日本粉筆畫藝術家Moeco既作品，畫風大膽得黎不失日本風格~

 

 

和菓子同飲品除左可以買走外亦可以響店內享用。3樓既堂食空間陳設同樣精致！

 

 

和風空間果然最適合淺草，店方亦有準備BB椅，一家大小旅行中途想休息一下就最好不過！

 

 

無諗到以士多啤梨為主打既甜品店會有酒賣？士多啤梨啤酒、可能日本只有呢度先有，想要小酌一杯的話可以考慮~

 

 

以大家都喜歡既日本士多啤梨為主，款式多變之餘地點就腳，下次黎東京玩時要留肚試下啦！

 

淺草莓座(浅草苺座)

地址：2-1-3, Asakusa, Taito Ku, Tokyo To, 111-0032, Japan (Google Maps) 營業時間：10:00~18:00

 

---

下載粹日本App，網羅更多日本資訊 iOS Android

 

發現文章有任何問題請話俾小編知☞ 回報表格