日本既夏日特色，你諗到D咩？煙花大會、祭典、浴衣，除此以外仲有 ……流水素麵！ 動漫畫、日劇、電影裡面都可以見到既流水素麵，今次由小編帶你知多D！
創始：高千穂峡「千穂の家」
耐不耐就會睇到日劇、動畫裡面既角色其樂融融地食流水素麵，感覺呢種夏季季節料理好似非常傳統歷史悠久。
(なまらうまい@Tabelog)
其實流水素麵係由一間位於宮崎縣高千穂既麵家「千穂の家」，而流水素麵始創於昭和三十年（1955年）不過係半世紀前既事。 創出流水素麵既因由據說係當時既千穂の家社長聽聞夏天時有人會響室外用熱湯煮好素麵，然後拎入室外用凍水過完冷河先食，啟發出將高千穂峡山泉水引流入店製作流水素麵。 後來流水素麵成為時尚，即使唔去宮崎都可以食得到，仲衍生出可以響屋企使用既水型流水素麵玩具~想食：關東關西各有選擇
上網查流水素麵，最常見到既店家並非發源既千穂の家，而係京都貴船神社附近既川床流水麵「ひろ文」(hirobun) 。不單止日本國內，國外（特別係台灣、香港）都一樣有名，網上有唔少bloggers食評，記得如果想要試的話就要提早出發、拎籌。 ひろ文每次可以接待5組客人，每組使用各自既竹筒所以唔會食陌生人口水，不過同行朋友既就少不免啦。 如果你鍾意黎東京（關東）玩的話，同樣有地方俾你識食流水素麵！東京都內名店首選位於調布既「鮒宿」。流水素麵係夏季限定，而且必須預約先食得到。夏天時香港熱東京亦熱，想要消暑兼試下特色料理的話可以參考呢度。 稍為離遠東京都既選擇有長瀞「長生館 流しそうめん処」，一樣期間限定（4月下旬至10月中旬，營業日視季節而異），不過同調布鮒宿最大分別係不接受預約，必須前往現場等位。另外長生館既流水素麵係放題制，只要唔浪費食物食多多都得！ 京都有ひろ文，大阪市內亦可以食到流水素麵！大阪市北區既居酒屋「西屋」就有提供單點既流水素麵以及幾種不同套餐，而且唔止夏季，只要預約幾時都食得到（室外進行，雨天中止）。 Tabelog: https://tabelog.com/osaka/A2701/A270101/27045728/進化：自家專用流水素麵玩具
雖則話熱天時食流水素麵可以消暑，但係論消暑點夠留響屋企食？原裝流水素麵外響日本可以買到各式大大小小既流水素麵機。組裝好後入電倒水放素麵就可以享受到不遜色既樂趣！
（PS: 食麵個個就開心，砌玩具同放麵既就無得玩啦 …….）
下載粹日本App，網羅更多日本資訊 iOS Android
