響日本自古以來既傳說之中，只要集齊7個橙色球體就可以召喚神龍實現你既一個願望 ……Oh sorry 呢個係經典巨作《龍珠》裡面既情節，響現實日本既沒有神龍亦沒有龍珠。 就當你以為日本真係無龍珠既時候，響便利店、超市既收銀櫃台附近你又會見到2粒近睇似龍珠、遠睇似橙既球體，咩黎既呢？

防搶劫染色球

 

 

如果你同小編一樣咁有好奇心，你可能會知道解款員手中拎住既保險箱除左用鎖頭黎保障安全外，箱裡面仲有另一重保安措施；只要打開保險箱既方法唔正確，就會有洗唔甩既顏料噴落銀紙度，令賊人得物無所用之餘仲可以幫埋個賊染色。

 

呢一個常見於日本便利店、超市，唔少零售店都可以見到既橙波波既用途就同解款員保險箱一樣，只要將佢扔向目標人物（賊人），球體爆開後裡面既橙色液體就會淋滿賊仔一身。

 

為左加強阻嚇作用，橙波波設計有以下特點：

 

1. 球體容器容易破裂 2. 顯眼橙色染料及含有螢光成分 3. 不易清洗乾淨 4. 部份製品會加入強烈異味

 

以下影片就一次過show俾你睇

 

因此橙波波本身並唔似得棒球、水果一樣可以隨手練住大力丟出去，而係要用陰力投擲。另外因為顏色起眼易認，單單係放響收銀台附近就能夠起到阻嚇作用。

 

有時候呢D橙波波會放響客人都能夠觸碰到既地方，記得唔好隨便掂，就算想要見義勇為都最好留番俾店員自己郁手。

---

下載粹日本App，網羅更多日本資訊 iOS Android