森永乳業既pino雪糕你試過未？響香港同樣買得到既pino號稱使用專利技術可以使雪糕同朱古力同時在口中溶化，一口一粒不知幾滋味 ……
不過今次粹日本要介紹既並唔係pino有幾好味，而係想話你知pino盒內可以搵到既三大隱藏成就 ……
4.8%的許願星
出現可能性不足5%（但已經係概率最高既一款），星型pino係以流星為原型，提到流星就當然同許願有關，因此星型pino又稱為「許願pino」；
當然呢粒唔係真‧流星，無論係對住佢許願定係一路諗住願望一路食左佢，對你既願望都係唔會有幫助既。
3.2%的幸福心心
比星型pino要稀有既係心型pino，出現概率為3.2%，即係每33盒先有1盒；心型pino被稱為「幸福pino」，歷史要比許願pino悠久，從pino推出早期起就有心型pino發現報告，雖然概率比星型低，但知名度更高。
同許願pino一樣開盒見到心型pino並唔會直接為你帶黎幸福，但不妨同曖昧對象一起打開面前既pino，「如果咁橋」發現心型pino的話，就代表你地一定係命中注定既一對，Morinaga approved XD
3%的四葉草
三大隱藏成就中出現概率最低只得3%，而且一個唔為意就會失之交臂既係又罕見又難發現既四葉草！
大約34盒先會發現到既四葉草並唔係出現響pino之上，而且出現響pino「下面」，同真正既四葉草一樣收得密密實實，大意就會睇過龍。
3%的四葉草係印響膠托上面，唔會特別上色亦無提示，食完pino唔望多眼就丟左個盒的話隨時錯過3%的幸福！
100%確實入手的樂趣
除左三種機率各異既小確幸外，pino仲有一種100%一定中獎既小驚喜！
pino盒內隨附既膠籤上面會印有1~72既數字，只要到森永官網今日のあなたの成分チェッカー就可以查出你今日既組成成分，以及適合今天的你既pino口味！
下載粹日本App，網羅更多日本資訊 iOS Android
發現文章有任何問題請話俾小編知☞ 回報表格
