2019年話咁快就過左一半，日本亦正式從平成時代踏入「令和」（れいわ/Reiwa）！2020年響日本有咩重大活動相信唔駛小編多講，當然係 ……
2020東京奧運！！！
無論係打算去日本親身觀賞奧運賽事，抑或想調番轉避開人潮趁人少少時返鄉下玩個夠譜，必睇粹日本「2020年請假遊日攻略」，整合經已刊憲既2020年香港公眾假期資料以及日本公眾假期（祝日），一圖睇盡請假時機！
2020年日本假期有咩變化？
2020年日本假期既改動主要有2個原因：新天皇即位以及東京奧運。新天皇即位：天皇誕生日改為2月
過去平成時代既天皇誕生日自然係慶祝日皇明仁11月23日既生日，新天皇德仁繼位後「天皇誕生日」公眾假期自然要因而改動；
現任日皇德仁的生日係2月23日，而2020年2月23日由於係星期日，按照日本祝日法第3條第2項規定，24日（星期一）會變成假期。小編下一年又多一個三連休啦~
當然上皇明仁既生日唔會再係假期，以後12月就一日假都無 ……
東京奧運：運動之日& 特例假期
自1966年起日本就有一日名為「體育之日」既假期，現時體育之日作為Happy Monday法適用對象，日期為10月的第2個星期一。自2020年起「體育之日」（体育の日）將會改名為「運動之日」（スポーツの日）。改名原因係將意思為「身體的教育」，即Physical education，改為意思更為廣泛的「運動」，即可以代表競技，亦可以係社交運動。
將「體育之日」改名成「運動之日」為永久性措施，而只限2020年一次性執行既係更改「海之日」、「運動之日」及「山之日」三個假日既執行日期，以配合東京奧運舉行；
| 假期名稱 | 原定日期 | 2020年特別安排 |
|---|---|---|
| 海之日（海の日） | 7月第3個星期一 | 7月23日（星期四） |
| 運動之日（スポーツの日） | 10月第2個星期一 | 7月24日（星期五） |
| 山之日（山の日） | 8月11日 | 8月10日（星期一） |
東京奧運開幕禮於7月24日舉行，而閉幕禮則於8月9日（星期日）舉行，透過一次性移動假日開幕禮前一日、當日，以及閉幕禮當日、翌日均為假期。
2020年香港、日本假期對照圖
香港打工仔請假時機
參考對照圖可以發現2020年香港同日本既假期重疊部份不多，點樣請假去日本好？盡用香港假期
1月既農曆年假從25日（六）放到28日（二），向前、向後請多幾日的話就可以製作悠長假期！不過要留意同樣放農曆年假既國家如中國、台灣等地都會有大批遊客外遊 ……
4月上半亦係請假之選。4月4、10、11、13日均為假期，只要請4日年假（4月6~9日）就可以放足10日假去旅行！
另一個請假好機會係10月。10月1、2日均為假期，配搭周末本身已經連放4日，亦可以選擇再請多幾日假玩耐D。此外10月26日（一）亦係假期，只要23日（五）請一日年假就可以砌到四連休！
第4個請假選擇當然係12月既聖誕節假期，日本人無得放聖誕假，不過就要留意唔少人會去食大餐兼book酒店短聚一晚，所以想要聖誕遊日的話就記得提早預約酒店餐廳啦。
避開日本三連休
日本有「Happy Monday制度」將部份假日固定於星期一實施，等一眾打工仔可以多D三連休放假休息下。而每逢三連休（或以上）都會有大批日本人選擇國內短線遊，所以無咩必要的話可以避開以下連休唔駛同人迫：
・1月11~13日 ・2月22~24日 ・8月8~10日（橫跨奧運會期） ・9月19~22日（4連休Silver Week） ・11月21~23日
此外亦有兩日星期二公眾假期，預料唔少人會星期一請假自製四連休：
・2月11日 ・11月3日
黃金周、奧運會期高危！
每年日本黃金周都係出遊高峰，雖然2020年唔似今年咁有10日超級黃金周，但肯肯定會有大量社畜4月30日、5月1日請兩日假，就可以由4月29日~5月6日放足8日假！
4月30日及5月1日剛好係佛誕及勞動節，香港人可以放到3或4日假期，但要唔要飛黎日本同日本人逼就你諗你啦。
奧運會會期內香港無假期，而且呢段時間去得東京就係為左奧運，想現場感受就要忍受人潮同溢價(´；ω；`)ｳｩｩ
下載粹日本App，網羅更多日本資訊 iOS Android
發現文章有任何問題請話俾小編知☞ 回報表格
