可以穿上題圖既浴衣參與日本祭典，或者浸完溫泉後穿著浴衣享用美味料理相信係唔少旅日港人既目標之一。

 

日劇、漫畫裡面見得多既浴衣穿竟幾時著、點樣著，又有D咩要注意？一於由粹日本為你解說！

浴衣係咩東東？

浴衣係和服既一種，相比一般和服較為輕便適合於夏天穿著。顧名思義浴衣最基本既用途係浸完溫泉/沐浴之後穿著既服裝；另一方面日本夏季時舉行既祭典、節慶活動、煙花大會中亦非常常見。

 

 

據說浴衣源自安土桃山時代既「湯帷子」類衣著，浴後穿著可以吸引皮膚水分，後來就演變成今日既浴衣。同樣都係浴衣，溫泉旅館提供既一般係素色既簡單「溫泉浴衣」，作為室內服之餘亦可以著出街（視旅館規定而異）。至於著去祭典、煙花大會既則係較為華麗而穿著方法稍為複雜既「色浴衣」。

浴衣點樣著？

浴衣亦有分男裝、女裝，大細款式花紋都有唔同，但浴衣本身既穿著方法並沒有大分別。

 

 

1) 浴衣裡面只穿內衣即可 2) 「左襟在上」，即左手側覆蓋右手側，右手可以伸入襟內為之正確（相反穿法係壽衣，切記切記） 3) 綁上腰帶打結即可。綁法沒有特別規定，使用簡單既蝴蝶結也可以。 4) 冷天時可以於浴衣外面加穿「羽織」（外掛）或「丹前」（棉袍）

 

 

除左小心左右襟唔好搞錯外，穿著時要確保遮蓋身體重要部位，唔好開大領口或者下擺敞開，記得「面斥不雅」（笑）。

浴衣、和服有咩唔同？

設計上相似，外國人睇落分別唔大既「浴衣」同「和服」之間有咩分別？

 

浴衣既優點之一係能夠自己穿脫，腰帶綁法不複雜，一般人都做得到。而普遍認為和服穿脫都要比較麻煩，一係就搵專業人士協助，一係就上堂自學。當然外國人著唔慣浴衣的話可以穿脫時會有困難，除左參考以上教學外，如果只係想短時間著浴衣觀光的話，可以去遊客區提供浴衣租住及穿脫服務的的店鋪。

 

 

除此以外，浴衣同和服仲有以下分別：

 

1) 浴衣可直接穿於內衣之外，和服則要先穿和服專用襯衣（以免弄髒和服） 2) 浴衣可以當作睡衣，和服唔可以 3) 浴衣一般只在夏天穿著，和服則一年四季均可 4) 浴衣屬於便服既一種，而和服既有便服亦有正裝

著住浴衣點行好？

 

浴衣要著得靚重點就係要鬆緊適度地「捲住自己」，浴衣說穿了就係一塊布，綁左腰帶也好依然會隨著時間移位，因此穿著浴衣時最好保持小步幅、八字腳地行走。行樓梯時可以身體稍為向前傾，減少提腳幅度。

---

下載粹日本App，網羅更多日本資訊 iOS Android

 

發現文章有任何問題請話俾小編知☞ 回報表格