日本四季都有獨特既景色可以欣賞，經過春天既花見季節後下一個觸目活動當然係日本國內各地舉行既祭典以及煙花大會！
只不過煙花大會人多擠迫，而且日式煙花雖然有特色，但始終同香港睇煙花一樣，唔係從下面睇就係從側面睇 ……
你又有無諗過煙花可以從上而下俯瞰觀賞？
由你親手綻放的「線香煙花」
線香煙花（線香花火）係一種小型煙花，屬於無須許可就能夠購買、使用既「玩具煙花」，只要做足安全措施大人細路都可以玩。線香煙花起源自寬文時期（1661~1673），現時日本主流既線香煙花分別有2種，分別是作為元祖線香煙花，於西日本較為常見既「スボ手」，以及發源自東日本，現時作為日本國內主流的「長手」線香煙花。
西日本的「スボ手」使用秸稈為柄前端附上火藥而成。呢一種スボ手煙花傳到東日本時因為關東地方較少種植稻米，所以就以和紙包裹火藥取代稻米莖部（秸稈）製作線香煙花。
使用方法亦有分別，スボ手係手持端於下燃點端向上，而長手則係手持端於上燃點端於下。
線香煙花的四個階段
即使生命只有短短的數分鐘，日本人仍然為線香煙花的燦爛加上幾個唔同既名字，從點火至燃盡可以分為四個階段：
1、蕾：點燃線香煙花後著火端會先變成一個細小既火球，此時未有火花噴發。 2、牡丹：火球內既火藥開始點燃變成液體狀，火花飛散。
3、松葉：火花增多噴發變得激烈，如同松葉般散落。 4、散り菊：接近燃盡時火花停息，回歸到火球狀。
線香煙花既一生可以睇睇以下影片：
線香煙花的遊玩方法
即使屬於玩具煙花既一種，線香煙花始終係發火物品，而且會有火花火屑四處漂散，遊玩時必須加倍小心。
線香煙花只要係每年夏季都可以輕易買到，便利店、雜貨店、激安殿堂甚至網上都能入手。買到煙花之後就可以準備玩！
搵一個空曠而沒有易燃物既空間，記得準備滅火用水，玩煙花時要穿著可以保護自己既衣物，切記唔好將煙花發火端靠近人體。
玩完煙花之後收拾好一切，唔好留低垃圾於現場，玩得安全、開心最重要！
下載粹日本App，網羅更多日本資訊 iOS Android
發現文章有任何問題請話俾小編知☞ 回報表格
