各位太鼓之達人知唔知道世界上最大既太鼓既所在地？ 今次粹日本小編就帶大家去秋田「大太鼓之館」見識一下各種各樣既太鼓！

獲健力士世界記錄認證，世界上最大既太鼓（以單塊牛皮革製作的和太鼓）正正係收藏於秋田縣北秋田市「大太鼓之館」，直徑3.71米，鼓身厚4.32米，重3噸！呢個超級巨鼓製作於1986年，於1989年獲得健力士認證。 아키타현 기타아키타시의 ‘오다이코노 야카타(大太鼓の館)’에 전시된, 기네스북에 실린 직경 3.71m, 길이 4.32m, 무게 3t의 북! 이 북은 1986년에 만들어지고 1989년 기네스 세계에서 가장 큰 북으로 인정되었습니다.

其實館內仲有一個直徑3.8米重3.5噸既鼓，不過呢個鼓並非使用單一塊皮革製作所以第一之名並唔屬於佢。

世界第一太鼓既由來

自1262年起每年7月14日及15日都會舉行綴子大太鼓祭り以祈求豐收。最初為於呢個祭典既太鼓直徑不過70cm。

後來村莊分為2部份，分別係使用德川家紋章既「上方」以及豐臣家紋章既「下方」。

雙方競爭愈發激烈，直到1930年開始決定梅花間竹地西曆偶數年由上町舉辦，奇數年由下町主辦。雙方既競爭後來演變時製作更大既太鼓。明治時代既鼓直徑達1.5米，昭和時代則為2.1米。

世界第一鼓唔可以用手摸，但細既一般鼓就可以實際觸摸。

平時於大太鼓之館展出既太鼓響祭典期間會運到綴子神社，如果你岩岩好會響夏天時去北秋田市的話記得去體驗一下大太鼓震耳若聾既鼓聲！ 或者你可以睇下我地拍攝既影片，遠距離感受一下氣氛。

來自世界各地既鼓

大太鼓之館內除左有日本既太鼓外，亦有展出來自40個不同國家，140面唔同既鼓！

響體驗區你可以實際觸摸同聽到唔同鼓既聲響，比較一下日本太鼓同其他鼓既分別。

大太鼓之館旁邊係售賣手信既「大太鼓之里 物產館」，一於買埋手信特產先走啦！

大太鼓之館(大太鼓の館)

地址：〒018-3301秋田県北秋田市綴子大堤道下62-1　(Google Maps) 營業時間：09:00~17:00（休息日：12月31日~1月1日） 入場費：成人420円、中學生300円、小學生200円

---

下載粹日本App，網羅更多日本資訊 iOS Android

 

發現文章有任何問題請話俾小編知☞ 回報表格