（溫馨提示：此文介紹日本祭典常見遊戲，並非推薦各位參與。即使參與亦請留意遊玩規矩及記得保障動物權益）
金魚すくい
首先介紹既當然係動漫、電視電影中只要有祭典場面就一定會出現既「撈金魚」！使用紙網將金魚從水池中撈出黎。紙網特性當然係遇水即溶，所以要眼明手快，輕輕一撈將金魚放入自己既碗內就為之成功。
ヨーヨー釣り
另一個同樣常見既係「釣水球」，使用細細個既釣勾（下圖）將水球釣起即可。要確實地釣起連著水球既細繩先可以釣得起，並唔係眼見咁簡單。
釣到既水球可以帶走，穿著手指上當成「水搖搖」咁玩，正因如此呢個遊戲既日本名寫成「ヨーヨー釣り」（釣搖搖）。
射的
看圖知義，「射的」正是使用氣槍射擊獎品既遊戲。只要「符合規矩」將獎品擊落即可。
但凡玩呢D射擊遊戲就係玩家同攤販既智力攻防戰。作為玩家手最好有幾長伸幾長，脫離地心吸力學MJ咁向前傾就最好。而攤販就當然一件獎品都唔想送出去，所以唔少老細會將獎品放得盡量穩固，看似搖搖欲墜其實穩如泰山；
更有甚者會要求獎品必須打至離開陳列架，或者再要求高D必須「向前跌」先算符合規矩 ……
紐引き・くじ引き
呢兩款都屬於抽獎遊戲，不過實行方法有少少唔同：
紐引き（拉繩抽獎）：攤位處會設有一個掛滿繩同獎品既架，俾錢之後選擇繩子拉動，拉起既獎品就屬於你！
型抜き
呢個祭典遊戲係小編黎到日本後先至初次聽聞。薄糖片中劃有各種圖案，只要使用牙籤等尖細工具將圖案完整地拆出就為之成功。祭典遊戲的話成功者可以得到獎品。
稱得上係「薄」糖片，當然係有幾脆整幾脆，然後給定既圖案總有一D幼身位，想要成功挑戰並非易事。
下載粹日本App，網羅更多日本資訊 iOS Android
發現文章有任何問題請話俾小編知☞ 回報表格
