一日之計在於晨，甚至有人話一日三餐中早餐先係最重要既一餐。 大家平時響香港可能唔食早餐起身就返工/返學，不過黎得日本玩當然要把握機會盡情食、不斷食！唔好講早午晚三餐，最好一日五餐、十餐！
日本旅行時早餐一係食酒店，一係食便利店預製飯糰？少年你太年輕啦！日本咁大唔同地方有住各自既早餐文化，點可以唔試下！
朝ラーメン（靜岡縣藤枝市・福島縣喜多方市）
即使係鍾意拉麵鍾意到去日本排名店既人，應該都習慣唔到既「早晨拉麵」！主要流行於靜岡縣藤枝市、福島縣富多方市。
其中喜多方市既喜多方拉麵響日本國內亦非常有名，甚至有著日本三大拉麵既稱號。是透明既醬油味豚骨湯頭，比一般既豚骨拉麵要口感清爽，相信亦係朝早食都唔覺滯既理由之一。
藤枝市拉麵推介（日語） 喜多方市拉麵推介（日語）
小倉トースト（名古屋）
要數為廣為人知既當地早餐，理所當然係名古屋既「小倉多士」！種類多變既有響多士上搽上紅豆蓉，亦有三文治式兩塊麵包中間夾紅豆蓉，亦有一口大小既小倉多士，各適其式。
小倉多士雖然係名古屋名物，但多得分店開遍全國既Komeda’s Coffee（コメダ珈琲店），幾乎全日本都可以食得到！小倉多士另一樣吸引既地方係包括Komeda在內，只要點一杯咖啡就可以免費加點小倉多士組成Morning Set，非常實惠！
名古屋市小倉多士推介（日語）
アーモンドトースト（兵庫姫路市）
活躍於兵庫縣姬路市既「杏仁多士」，並唔係響多士上面放上原粒杏仁，而係響方包上搽上以杏仁、牛油為主調整而成既「杏仁牛油」，之後焗得香脆就可以開餐！
姬路市內CAFE唔少都會提供杏仁多士，而且各家都有自己既杏仁牛油秘方，如果你本身鍾意食杏仁既話記得試多幾間比較一下！
姬路市杏仁多士推介（日語）
お粥・茶粥（和歌山）
顧名思義茶粥係以茶代水煲出黎既粥。使用既係日本既焙茶，響和歌山內既超市可以買到茶粥用既焙茶茶包，可見呢種當地早餐既普及程度。
除了茶同米外，但可以加入栗子、芋頭，或者其他時令食材，口味多變，而且既可以熱食，夏天時亦可以凍食，熱天食慾不振都唔怕！
和歌山茶粥推介（日語）
クリームボックス（福島縣郡山市）
郡山市名物「忌廉盒」同樣係以麵包為主體既早餐，響方包上面搽上以煉奶、牛奶、砂糖等材料混合製作的牛奶忌廉，味道偏甜。
郡山市內唔少cafe、麵包店、超市都有出售忌廉盒，早餐時段以外都食得到！
郡山市忌廉盒推介（日語）
下載粹日本App，網羅更多日本資訊 iOS Android
發現文章有任何問題請話俾小編知☞ 回報表格
