新潟2016年時就推出左一架觀光火車「雪月花」，一齊黎了解下啦！
火車在除年末年始外既星期六、日及假期運行。 一日兩班，分別為上午從「上越妙高站」出發至「糸魚川站」，以及下午相反方向從「糸魚川站」行駛至「上越妙高站」。
今次粹日本小編就係乘坐上午班次。
車票設計非常有心思，春天時前往試乘，設計係紅色雪月花同櫻花既配襯，唔知道其他季節既車票又會係咩樣既呢？
「雪月花」由2列車卡組成，1號車廂設有展望觀景台，2號車廂則有休息室（さくらラウンジ）俾你以不同方式觀賞沿途風光。
響休息室可以購入酒精飲品以及雪月花限定紀念品。
3月份前往時新潟依然係一片白皚，藍天白雪靚到暈！
雪月花既餐點同樣花心思！上午班次為法國料理，下午班次則係日本料理，均為新潟出身既名廚監修既作品。 三段式木盒裡面裝住既就係我地既法式午餐！
出身新潟既米芝蓮二星「Restaurant Ryuzu」主廚飯塚隆太監修，使用當地食材製作既本格法國料理！
就連飲品都同樣花上心思，迎賓汽泡酒同樣產自新潟，而且沒有公開發售要響「雪月花」先至飲得到！
睇完雪景輪到日本海既一望無際海景，天朗氣清時真係無得彈！
用完正餐後當然唔少得甜品，三款特色甜品加上雪室咖啡或雪蓮紅茶~
於沿線車站停車時可以走出車廂，感受一下新潟當地既風光氣息！
上午班次從上越妙高站出發，途經作為明治時期鐵路遺產聞名既「二本木」、有著超過200年歷史既溫泉鄉「妙高高原」，以及附邊有著唔少景點既「直江津」。
於二本木站可以索取體驗紀念証。
妙高高原站精品店有售既新潟當地名物「笹糰子」必試！
妙高高原溫泉鄉內有7個不同既溫泉，想要好好浸下日本名物溫泉的話就唔好錯過！（雪月花可以途中下車，價錢隨之變化，也有可能無法享用餐點）
只食雪月花既午餐唔夠？仲可以買火車便當加餐~
歡樂既時光過得特別快，10點19分於上越妙高站出發，13點10分到達糸魚川站！
又有得睇靚景，又可以食到精緻美食，離開時仲可以拎到特色手信！今次小編們就收到長崎蛋糕（蜂蜜蛋糕）以及白米一袋！
現時雪月花只限電話預約，將來將會開於更多預約方法！ 預約電話：+81 025-543-8988 營業時間：星期一至五 10:00~17:00 雪月花官方網頁（只有日語）：https://www.echigo-tokimeki.co.jp/setsugekka/index.html
下載粹日本App，網羅更多日本資訊 iOS Android
發現文章有任何問題請話俾小編知☞ 回報表格
