日本既代表色「紅」「白」

點解係紅白

紅白色其中一個用處係分組，例如每年年尾既「紅白歌合戰」，仲有日本中、小學生學校運動會時都會分成「紅組」、「白組」，點解呢2種顏色會用黎分組？

其中一個主流解釋係過去既「源平合戰」中交戰雙方為左分辨敵我，分別用上紅色（平氏）同白色（源氏）作為自己既代表色。自此紅白二色響日本就有著分組對陣既含意。（順帶一提，源氏贏左）

紅白色另一個常見既用法係作為喜慶用色，有喜事時唔單止會使用紅色，亦會使用大量既白色，甚至日本人封禮物既信封就係一個純白既紙封，對日本人黎講白色同樣係喜慶時會使用既顏色。

有關喜慶方面既用法主流解釋有3種，分別係：

1) 日本古時起就有於喜慶事時食「赤飯」（紅豆飯）以及「麻糬」（餅）既習慣，一紅一白食下食下，就將呢2隻顏色用黎代表喜慶本身； 2) 紅色代表BB仔（赤ちゃん），而白色則有死亡、離別之意味，二者加起就代表人的一生，因此響重大既喜慶上就會使用紅白色。

3) 室町時期（1336~1573）起興起既新娘服「白無垢」本來有著「純潔」、「純真」、「結婚時成為新的人嫁入夫家」既意思，而江戶時期（1603~1868）末期時則出現內襯為紅色的「赤ふきの白無垢」，後來由此引申出紅白=喜慶。

「紅白」2隻漢字一般會直譯成中文既「紅白」，但識？日文既同學仔可能會發現日語中紅色一般稱為「赤」而非「紅」，點解紅白響日語中並唔係「赤白」？一種說法係「赤」字會令人聯想到「赤貧」、「赤裸」，作為喜慶用詞並不妥當，所以就改為使用「紅」字代表；不過日本人日常生活中稱呼「Red」時依然係使用「赤」。

不過嚴格黎講，日本人將「赤」同「紅」視為兩種不同既顏色，下面兩隻色你又覺得有幾大分別？

在 Instagram 查看這則帖子

NHK紅白歌合戦（@nhk_kouhaku）分享的帖子於 PST 2016 年 11月月 11 日 9:12 下午發佈

下載粹日本App，網羅更多日本資訊 iOS Android

發現文章有任何問題請話俾小編知☞ 回報表格