3月份限定！東京鐵塔《山治的俺家餐廳》限定菜單大公開！

大人氣動漫《ONE PIECE》於東京鐵塔設置既《山治的俺家餐廳》（サンジのおれ様レストラン）至3月31日為止推出期間限定料理！想先睹為快？粹日本小編為你送上實試報告！

ONE PIECE x Indeed

平常有留意ONE PIECE情報或者會追看日本創意廣告的話，可能已經睇過日本Indeed crossover ONE PIECE推出既電視廣告。今次將crossover再玩盡D，響ONE PIECE主題餐廳《山治的俺家餐廳》中期間限定推出2款料理，從3月4日至31日為止，手快有手慢無！

山治的俺家餐廳（サンジのおれ様レストラン）

餐廳位於東京鐵塔FOOT TOWN內常設設施「TOKYO ONE PIECE TOWER」內。

入口設計有著濃厚ONCE PIECE世界觀。

一般常設菜單

沿著走廊就好似走入ONCE PIECE世界一樣

今次小編參加既係特設發布會，主辦方將山治從漫畫裡面帶左出黎！（心心眼）

實際設計茶色既 ......當然唔係山治本人，而係上面呢兩位。佢地同樣係《ONE PIECE》既粉絲，設計料理時絕對係包念著對作品既愛！

落手製作料理既當然 ......都唔係山治本人，而係上圖既廚師。 . . . . 講左咁多，終於黎到試食環節！

登登登登！由山治為我上菜，我要暈啦~~

ONE PIECE x Indeed 3月限定菜單

Soup de “ALL BLUE”（左）：1,700円(連稅) “復活系” 豬肉‧內臟濃湯烏冬（右）：1,300円(連稅) 左邊既係以山治夢寐以求既「ALL BLUE」為原型創作既海鮮菜色，而右邊既則係以山治既料理「“復活系” 海豬肉‧內臟濃湯」為原型設計既湯烏冬。小編雖然無食過原作中既山治料理，但呢兩道菜加上山治餐廳既氣氛已經值回票價！

餐廳內到處都係打卡位。

作者尾田以及草帽一伙既聲優所留下既簽名！

TOKYO ONE PIECE TOWERE內除左有山治餐廳之外，仲有紀念品店、博物館等設計，ONE PIECE粉絲不可錯過！

山治的俺家餐廳(サンジのおれ様レストラン)

期間限定菜單供應時間：2019年3月4日至31日地址：東京鐵塔FOOT TOWN, TOKYO ONE PIECE TOWER 1/F Google Maps :