鍾意Hello Kitty？鍾意食日本便利店熱辣辣既中華包？機會黎啦飛雲！
2月19號日本LAWSON推出左期間限定既Hello Kitty中華包，最大特徵係個包還原度認真夠高，同之前既鬆弛熊包有得揮！
呢個包實在太受歡迎，19號推出小編要到今日（21號）先買到，而且LAWSON包櫃裡面只剩番一個，手快有手慢無！
今次既中華包係「蘋果吉士餡」，切合Hello Kitty鍾意食蘋果既形象。
貓鬚、蝴蝶結、無口全部神還原，真係唔忍心食佢落肚T.T
跳過殘忍既殺貓一刻，直接睇下橫切面啦！
味道比想像中好唔會太甜死甜，仲有少少蘋果肉響裡面。小編就覺得味道同同樣加左吉士醬既池袋蘋果批RINGO有D相似~
可憐既Kitty，即將死於粹日本編輯部口中 ......
連稅200円，全國LAWSON有售。
