要玩盡日本，除左要熟悉香港既公眾假期外，仲要清楚日本人既放假安排，避開國內旅行人潮，唔駛迫黎迫去！之但係你又知唔知道日本人一年有幾多日假期，各個公眾假期又有咩來歷？
今次就由小編為你解說日本文化，睇睇日本人既節日傳統！
東西宗教大雜燴 vs 天皇+自然
宗教：受難節、復活節、佛誕、聖誕節 自然及傳統文化：清明節、端午節、中秋節、重陽節 曆法及紀念日：新曆及農曆新年、特區成立日、中華人民共和國國慶 其他：勞動節
日本既公眾假期響分類上面與香港有相似也有不同：
天皇誕辰：天皇誕生日（平成時期為12月23日）、昭和之日（昭和天皇生日）、文化之日（明治天皇生日） 宗教：勤勞感謝之日（過去為新嘗祭） 自然及傳統文化：綠之日、成人之日、兒童節（由來為端午節）、海之日、山之日、敬老之日 曆法及紀念日：新年、建國紀念日、憲法紀念日、春分之日、秋分之日、體育之日
眾所周知香港會過復活節、聖誕節係英殖遺風，同時亦有平衡地保留華人既傳統節慶。另一方面日本最大既特點係今天上皇及過去天皇既誕辰會列為假期，另外以「感謝自然」為主旨既假期亦唔少。
天皇生日
而過去兩任天皇既生日響改名後得以保留，前任昭和天皇生日4月29日先係改名為「綠之日」，於2007年再度更多為「昭和之日」；前前任明治天皇既生日為11月3日，日本祝日法於昭和時期制定，因此一開始該日就以「文化之日」的名義定為假期。
新任天皇將於19年5月1日即位，現時已經確認由2020年起「天皇誕生日」將會改為2月23日。至於明平成天皇既生日12月23日將會回復為一般平日，抑或改名得以保留則未有定論。
日本政府貼心安排
唔講唔知日本政府有推出幾項貼心小政策，等國民可以放足假、放多D：
星期日補假（振替休日）
以2019年為例，5月5日兒童節係星期日，因此5月6日係兒童節補假，變相三連休。星期日補假既法例與香港無異，而接下來既2個政策就堪稱德政 ……
三文治假期
比放假仲要開心既自然係放連假，相反明明有假放但唔多開心既，就係2日假期之間夾住一日要返工，心情大起大落慘過無得放假！日本祝日法訂明，2個公眾假期之間既單日平日會同樣變成假期，好似玩黑白棋咁。三文治連假可遇不可求，對上一次發生響2015年既9月：
9月21日：敬老之日 9月22日：平日 -> 特別假期 9月23日：秋分之日
如此罕見既放假制度即使係日本人自己都唔多為意，直至因為新天皇即位而出現黃金周10連休：
Happy Monday制度（ハッピーマンデー制度）
所謂既Happy Monday係將幾個原本指定日期既假日改成指定為「特定周數的星期一」，由政府出面砌出一堆三連休，亦係小編每一年都有得放幾次三連休假期既原因。
2000年：成人之日（1月15日 -> 1月第2個星期一）、體育之日（10月10日 -> 10月第2個星期一） 2003年：海之日（7月20日 -> 7月第3個星期一）、敬老之日（9月15日 -> 9月第3個星期一）
下載粹日本App，網羅更多日本資訊 iOS Android
發現文章有任何問題請話俾小編知☞ 回報表格
