細細聲話你知，小編細個時最鍾意食既雪糕味道唔係雲呢拿、士多啤梨、朱古力，而係芝麻味！東京最近就開左一間號稱「世上最濃郁」既芝麻雪糕GOMAYA KUKI，究竟有幾分真材實料？ 鋪頭位於原宿表參道，外觀設計亦好配合該區風格，時尚得黎夠簡約，大大幅既芝麻雪糕相poster惹人注目，唔少行人就係被店外陳設吸引左入去。 日英雙語話你知係世界上最濃郁雪糕！ 可以選擇既一共有6款，分別係黑芝麻超特濃及特濃、白芝麻超特濃及特濃、鹽味芝麻及粒粒雜穀。 小編諗完又諗，買左雙球既黑芝麻特濃+粒粒雜穀；點解無試超特濃？繼續睇落去你就知！ GOMAYA KUKI既芝麻雪糕特別在於有toppings！已經特濃既雪糕加上黑白芝麻及特製麻油，味道更勝一籌！ 灑上炒過既炒芝麻可以增加香味同口感，至於諗都諗唔到可以當成topping既麻油除左香味外，仲帶有些許芝麻既甜味同鹹味，建議先食一啖無topping既雪糕後再做唔同嘗試！ 難得一場黎到點可以唔試最濃郁版本？小編下一樣要試就就係超濃厚芝麻雪糕天婦羅！ 使用特製天婦羅麵衣同雪糕配搭一流，外面溫暖中心仍然係涼入心既雪糕。使用最濃郁既芝麻雪糕，一食就知道同特濃既分別！堂食之外亦可以買走。 另外亦有堂食吧台限定既黑芝麻榛子大理石芝士蛋糕，小編去取材時只剩番2件既大人氣商品！以芝麻為主力商品既店鋪製作既芝麻蛋糕，當然有著比其他地方更濃郁既美味。 （季節限定商品，並非每日供應） 內裝設計同樣日式，有無留意到掛響天花既棍有咩特別？ 黑芝麻LATTE（410円）以及麻油（540円）等芝麻製品可以買走做手信。 去原宿、表參道行街的話，不妨試下世上最濃郁既芝麻雪糕！小編食完翻唔到轉頭，可惜香港無得買，大家要有試完翻尋味既覺悟。 想知道有咩新商品新野試？可以follow 鋪頭既IG ? GOMAYA KUKI 地址：Harajuku H Bld. 1F, 4-26-22, Jingumae, Shibuya-ku, Tokyo, 150-0001, Japan 營業時間：11:00~19:00(吧台餐點、飲品L.O. 18:30) 官方網頁：http://gomayakuki.jp/ 下載粹日本App，網羅更多日本資訊 iOS Android
細細聲話你知，小編細個時最鍾意食既雪糕味道唔係雲呢拿、士多啤梨、朱古力，而係芝麻味！東京最近就開左一間號稱「世上最濃郁」既芝麻雪糕GOMAYA KUKI，究竟有幾分真材實料？ 鋪頭位於原宿表參道，外觀設計亦好配合該區風格，時尚得黎夠簡約，大大幅既芝麻雪糕相poster惹人注目，唔少行人就係被店外陳設吸引左入去。 日英雙語話你知係世界上最濃郁雪糕！ 可以選擇既一共有6款，分別係黑芝麻超特濃及特濃、白芝麻超特濃及特濃、鹽味芝麻及粒粒雜穀。 小編諗完又諗，買左雙球既黑芝麻特濃+粒粒雜穀；點解無試超特濃？繼續睇落去你就知！ GOMAYA KUKI既芝麻雪糕特別在於有toppings！已經特濃既雪糕加上黑白芝麻及特製麻油，味道更勝一籌！ 灑上炒過既炒芝麻可以增加香味同口感，至於諗都諗唔到可以當成topping既麻油除左香味外，仲帶有些許芝麻既甜味同鹹味，建議先食一啖無topping既雪糕後再做唔同嘗試！ 難得一場黎到點可以唔試最濃郁版本？小編下一樣要試就就係超濃厚芝麻雪糕天婦羅！ 使用特製天婦羅麵衣同雪糕配搭一流，外面溫暖中心仍然係涼入心既雪糕。使用最濃郁既芝麻雪糕，一食就知道同特濃既分別！堂食之外亦可以買走。 另外亦有堂食吧台限定既黑芝麻榛子大理石芝士蛋糕，小編去取材時只剩番2件既大人氣商品！以芝麻為主力商品既店鋪製作既芝麻蛋糕，當然有著比其他地方更濃郁既美味。 （季節限定商品，並非每日供應） 內裝設計同樣日式，有無留意到掛響天花既棍有咩特別？ 黑芝麻LATTE（410円）以及麻油（540円）等芝麻製品可以買走做手信。 去原宿、表參道行街的話，不妨試下世上最濃郁既芝麻雪糕！小編食完翻唔到轉頭，可惜香港無得買，大家要有試完翻尋味既覺悟。 想知道有咩新商品新野試？可以follow 鋪頭既IG ? GOMAYA KUKI 地址：Harajuku H Bld. 1F, 4-26-22, Jingumae, Shibuya-ku, Tokyo, 150-0001, Japan 營業時間：11:00~19:00(吧台餐點、飲品L.O. 18:30) 官方網頁：http://gomayakuki.jp/ 下載粹日本App，網羅更多日本資訊 iOS Android
