2月14日情人節下星期就係啦！日本傳統上係女方向男性送贈朱古力，心上人會收到「本命朱古力」，學校、職場既男性則會送贈「義理朱古力」。 不過近年日本人於情人節時送贈朱古力既模式有唔少轉變，為你送上最新19年調查結果！

LOTTE於去年10月訪問日本國內10代~60代既男女每個組別400人共2,400人，現時日本人心目中既情人節朱古力文化係點樣既呢？

本命朱古力（本命チョコ）

Q.情人節係告白（被告白）既時機？ ➡ 3分1人（33.6%）認同！

Q.有贈送「本命朱古力」同時告白成功既經驗嗎？ ➡ 過半數（60.9%）受訪者有過成功經驗！
另外據調查結果顯示，自製手工朱古力既1壓功率為市販朱古力既1.4倍。只不過較高成功率係因為「手工朱古力既真心誠意」抑或「成功機會高/曖昧對象所以特意製作手工朱古力」就無從稽考啦。

義理朱古力/人情朱古力（義理チョコ）

日本女性唔少會於情人節送贈「義理朱古力」以表達感謝之情，不過調查顯示有74.3%既男性受訪者認為依家收到既義理朱古力數量要比過去少。

另外有過半數（61.8%）受訪者話對送贈義理朱古力既人會有好印象。 另外有4.3%會由義理朱古力發展到約會，不過約會有無美滿結果就不在調查之列。

反向朱古力(逆チョコ)

過去傳統為女性向男性送贈朱古力，男性則會於3月14日「白色情人節」回贈禮物，不過近年開始興起反向朱古力，於2月14日當日由男性送俾女性。調查發現多達96.1%既女性受訪者收到朱古力會感到高興（而希望收到反向朱古力既對象是，以另一半（泛指丈夫、男朋友）佔最多達45.4%，之後為男性友人（21.3%）、兒子（9.2%）。

自己朱古力(自分チョコ)

自己朱古力即係自己買黎送係自己，對自己既獎賞，亦係較新既情人節朱古力潮流。自己享用當然願意駛錢，數據顯示自己朱古力既平均金額比義理朱古力要多，達1,669円。

今年你既情人節你有咩打算？不妨買幾份朱古力送俾心上人、朋友同自己！
調查結果來源

---

下載粹日本App，網羅更多日本資訊 iOS Android