日本LAWSON過去20年既飯糰銷量冠軍一直係「吞拿魚沙律」味，直至舊年推出「惡魔飯糰」超人氣，追過定番飯糰成為銷量冠軍。

好賣當然要食住上，LAWSON最近又推出左三款新既「惡魔系列」商品，惡魔四天王究竟有幾好食，又有幾邪惡？

邪惡之一：令人欲罷不能的美味

唔好賣當然係因為好味，令人食完一次又一次欲罷不能。

 

惡魔飯糰 使用日式高湯煮出既米飯，加入天婦羅炸碎、青海苔及特製醬汁，香、味仲全，一啖上癮停唔到口。

 

惡魔麵包 雖然個名叫麵包，準確黎講係一塊和風pizza。

開封後一股日式高湯香味撲鼻而來。用既係pizza麵糰，加上御好燒醬汁、天婦羅炸碎、青海苔等和風配料，好一塊和洋配合既惡魔美食。

 

惡魔炒烏冬 邪惡之處在於極大量既天婦羅炸碎，撈勻後享用口感香脆味道濃郁，比平時既炒烏冬要吸引得多！

 

惡魔多士 唯一一款甜惡魔美食。

大量芝士同砂糖，如果有焗爐的話拎去焗一焗更好食！

邪惡之二：嚇死人既卡路里

好食既代價當然係「唔健康」，每一款都係超高卡路里，食多少少就爆硬錶。

飯糰210kcal、麵包335kcal、多士230kcal，炒烏冬居然有673kcal！罪孽深重！ 食過翻尋味、忍唔到口，先係呢個「惡魔系列」既邪惡真面目 ......

---

下載粹日本App，網羅更多日本資訊 iOS Android