北海道知名既旅遊地點不少，小樽就係其中一個去北海道時不可錯過既地方。過去小樽係日本與俄羅斯進行港口貿易既港口城市，現時小樽內既建築物、運河等都得以保留，俾你感受當日既小樽風情。

 

 

黎到小樽其中一個必去景點係小樽音樂盒博物館，即使唔買走當手信都可以行下、睇下，欣賞日本人製作音樂盒既細緻工藝。

 

 

雖然名為博物館，但實際上係一家主要售賣音樂盒既商店。種類多到你數唔曬！

 

 

當然除左音樂盒外呢度亦有一D其他類型既手信，可能你對音樂盒無咩興趣，又或者想要一個地方買齊所有需要既禮物，音樂盒博物館就係你既好選擇！ 當然難得去到北海道，不可不買既當然係美食手信！除左人人都識既白之戀人、六花亭之外，呢度仲有未為外國人熟知既當地手信！

 

 

音樂盒博物館外有一個蒸汽鐘會每15分鐘報時，睇完音樂盒稍為等多陣，睇埋先好走人！

 

小樽音樂盒博物館

地址：4-4-1 Sumiyoshichō, Otaru-shi, Hokkaidō 047-0015 營業時間：9:00-18:00 官方網頁：https://www.otaru-orgel.co.jp/traditional_chinese/ch_index.html

 

 

---

下載粹日本App，網羅更多日本資訊 iOS Android

 

發現文章有任何問題請話俾小編知☞ 回報表格