香港人返鄉下既熱情係無法阻擋，更唔會因為想買樓而去少幾次日本。只不過遊日旅費最低成本只會愈變愈重，即將殺到黎既有7月1日起消費稅增稅，每日變動既則有日元匯率（最近破7.2算，拎日円人工既小編就無咩反感既 ……）

 

最貼身既變化其實係1月7日起新徵收既「國限觀光旅客稅」（俗稅出境稅 / 離境稅），每人1000円無得避。呢筆錢究竟點解要俾、咩人要俾、點樣俾？由粹日本為你解釋！

點解要俾？

日本政府新徵收既出境稅係為左確保往後觀光政策所需財源。政府方面列出3點：

 

① 提升輕鬆舒適旅行的環境 ② 更易取得日本各種魅力的相關的資訊 ③ 活用地方傳統文化、自然等觀光資源的整治

具體黎講，呢一筆稅收將會用於改善觀光相關既硬件、軟件，例如改進機會出入境審查系統、增設Wi-Fi熱點、加強觀光景點等方面。

咩人要俾？

雖然正名為「國際觀光旅客稅」，課稅對象一視同仁，日本人也好外國人也好不論國籍，只要不屬於免稅對象而「搭乘船舶或飛機日本出境」就要每人俾1000円（折合約70港元）。為左日本既「觀光立國」政策，日本人外國人都要出力~

 

非課稅對象

1. 2歲以下人士 2. 船舶或航空機組人員 3. 經日本轉機且於24小時內離境日本的旅客 4. 搭乘公用船或公務機（例如政府專機）出國的旅客 5. 因強制遣返出境日本人士 6. 出境後因為天氣原因或機器故障等，必須返回日本的旅客 7. 因天氣原因必須緊急入境日本的旅客 8. 派駐日本的外交官 9. 遠洋漁業者 10. 國家貴賓

 

10項裡面最有可能既只有第1項，如果你會帶同BB仔一齊去旅行的話，至少佢個份可以慳番；至於遣反、惡劣天氣緊急入境等，大家應該寧願俾多D稅都唔會想見到。

點樣俾？

呢一筆出境稅將由船舶公司、航空公司，或者旅行社代收，即係繳稅方法同香港既機場稅一樣，錢俾多左但係你可能唔多察覺。

新稅由1月7日起徵收，如果你之前已經plan好2019年既旅日行程兼買定機票的話，會被視為「新稅實施前簽訂的運送契約」而不用繳交出境稅，除非：

 

①預先買好既機票未有訂明出境日（即open-jaw） ②於1月7日後更改離境日期 ③簽訂合約時有列明出境稅會分開收取

慳錢方法抵消影響！

只要你唔放棄黎日本玩，呢一筆出境稅就不能不俾。不過要「搵番」呢1000円番黎其實一D都唔難！

 

上年7月起日本啟用新既退稅制度，只要買夠5000円就有得退稅！想知道詳細退稅方法？記得睇我地既教學文！

 

退稅只退8%感受唔夠滿足？消費稅唔駛俾根本算唔上優惠？IKIDANE NIPPON APP有齊各大藥妝店、電器店coupon，連大家必去既「驚安之殿堂」、自駕必備「Times租車」都有專享優惠！快快手去下面download啦！

---

下載粹日本App，網羅更多日本資訊 iOS Android